دڵشاد مەجید
بێ دەنگ کردنی نێچیرڤان بارزانی، بەو مانایە نایەت کە ئەم کارەکتەرە، کە جێگری سەرۆکی پارتیە، پەراوێزخراوە.
بەڵکو نێجیرڤان بارزانی، دەورو کارێکتەری باڵی میانڕەوی کۆترەکانی ناو پارتیە، لەبەرامبەر باڵی توندڕەو و بازەکانی مسعود بارزانی و کوڕەکانی.
هەرکاتێک باڵی توندڕەو نەیتوانی مەرجەکان و داواکاریەکانی، لەسەر لایەنەکان و گۆڕەپانی سیاسی بسەپێنی.
ئەوکاتە نیجیرڤان بارزانی دێت، ئاستی مەرجەکان و داواکاریەکانی باڵی توندرەو دادەبەزێنی.
نێچیرڤان بارزانی ئەو شۆفەلەیە کەڕێگاکان لە بەردەم مامی خۆش دەکات.
ئەو ڕۆڵەی نێچیر بۆ هێشنەوەی دەسەڵاتی پارتی و مامی لە هەوڵانەی لەگەڵ عێراق و ئێران دای راستی رۆڵ و کارێکتەری نێچیرڤان دەسەلمێنی.
بۆیە هەرهێزێک لەم ڕۆڵ دابەشکردنە تێنەگات و بەململانی ئامۆزاکان بیخوێنێتەوە، گەمژەیەو لەسیاسەت ناگات، تەڵەیەکە بۆ ڕاوکردنی دانراوە. کاتی خۆی جەلال تاڵەبانیش کەوتە ئەو داوە.
هەر بەو ڕۆڵ دابەشکردنەش توانیان لاهور شێخ جەنگی ئاوت بکەن و، ئێستاش دووبارە دەرگای کاری سیاسی بۆ بکەنەوە.
بنەماڵەی بارزانی دەیانەوێ بانگێشەی هەڵبژاردن و هەڵمەتی هەڵبژاردن بگەینە سنووری سلێمانی و هەڵەبجە بەتایبەتی و زۆنی سەوز بە گشتی.
بەڵام مەسرورو برایەکانی، ناوێرن ئەو ریسکە بکەن.
بۆیە ئەم ئەرکە بەنێچیرڤان دەسپێرن، رەنگە لەژێر باڵی نێچیر، مەسرور خۆی بگەیەنێتە سلێمانی و هەڵەبجە.
جگە لەم ئەرکە، نێچیرڤان ئەوکارتەیە، لەدوای هەڵبژاردن. دەتوانێ تەواوی هێزەکان بگەڕێنێتەوە، سەر مێزی گفتوگۆ، بۆئەوەی مەسروری ئامۆزای لە هاوکێشەی سەرۆکی ئەنجوومەنی وەزیران ئاوت نەکرێ.
بەڵام ئەمە مانای وانیە، کەمملانێی دەسەڵات لە نێوان دوو ئامۆزاکە نییە؟
ئەو ململانێیە هەرگیز ناتەقێتەوە، تا مەسعود بارزانی لە ژیان دابێت. هەروەک یەکێتی لەدوای نەمانی تاڵەبانی کێشەکانی ناوخۆی تەقیەوە.
بەڵام لێرە شتێک هەیە، ململانێکانی ناو پارتی بە ئاوتکردن و ئینقلابی سپی ناکرێ، چونکە مانەوەی هەریەک لە نێچیرڤان و مەسرور، پەیوەندی بەمانەوەی یەکگرتووی بنەماڵەی
بارزانی هەیە.
بەڵکو هاوکێشە ئیقلیمی و دەولی و ناوخۆیەکان، یەکێک لە دوو فیگەرە دەکاتە، خاوەن دەسەڵات لەناو بنەماڵە.
ئەم وتارە راو و بۆچوونی نووسەر خۆیەتی
