ئا:ئازا پرێس
رۆژی ٤-٨-٢٠٢٤ مەسعود بارزانی لەگەڵ لیستەکانی عەرەب و تورکمان و پارتیەکانی کەرکوک کۆبووەوە. لە کۆبوونەوەکە خەمیس خەنجەر و راکان جبوریش ئامادەبوون.
مەسعود بارزانی خەریکی یاریەکیترە لەسەر کەرکوک، نایەوێ بەهەرچی بەهایەک دەبێ بابێ، بەڵام پارێزگاری کەرکوک نەکەوێتە دەست کورد، بۆ ئەمەش م.بارزانی لەم ماوەیەی دوای بۆ دوو تەوەر بەڕێنمای تورکیا جوڵەی کرد، یەکەمیان چوونی بۆ بەغدا بوو، تاکو سەرۆکی پەرلەمان بۆ سوونیەکانی نزیک تورکیا یەکلای بکاتە، ئەویش مەحمەد حەلبوسی لەئێستا لەسەر تەوەری تورکیا یاری دەکا. بەڵام چوونەکەی تائێستا شتێکی لێ سەوز نەبووە.
دووەم، سەرۆکی پارێزگای کەرکوکە، تورکیا رێنمای داوەتە م.بارزانی کە بەهەر نرخێک دەبێ پێویستە پارێزگار نەکەوێتە دەست کورد و یەکێتی، بۆیە تا ئەو بەروارەی سەرەوە م.بارزانی بەیارمەتی بەرپرسانی حیزبەکەی لەکەرکوک خەریکی دانوساندن بوو لەگەڵ لایەنەکان، بەڵام کاتێک لەسەرەتای مانگ لیستی کەرکوک هێز و ئیرادەمانە بە سەرۆکایەتی یەکێتی لەکۆبوونەوەکانیان لە گەڵ لیستی بابلیون و لایەنە عەرەبە شیعەکان گەیشتنە رێککەوتنێکی سەرەتایی و توانیان ٩ کورسی کۆ بکەنەوە، بەڵام بە دەستێوەردانی مەحمەد شەیاع سوودانی، کۆبوونەوەی ئەنجومەنی پارێزگا دواخرا بۆ هەفتەی داهاتوو. دیسان سەرۆک وەزیران لایەنەکانی ئەنجومەنی کەرکوکی ئاگادار کردنەوە، ئەگەر لایەنەکان نەتوانن پارێزگار دیاری بکەن، ئەوا وەزیری داد وەک پارێزگار دیاری دەکات، ئەوەش دەزانرێ کە وەزیری داد خالید شوانیەو لە پشکی یەکێتیە، دیسان بەو شێوەیەش پارێزگار لە چەنگی پارتی و تورکمان و عەرەبە سوونەکان دەردەهێنرێت.
ئەگەر لیستی پارتی لەگەڵ یەکێتی و بابلیۆن پێکەوە جموجۆڵ بکەن، ئەوان دەتوانن زۆرینەی کورسیەکانی ئەنجومەنی پارێزگای کەرکوک کۆبکەنەوەو بەئاسانی لەگەڵ لایەنکانیتر دانوسان بکەن و پارێزگارەکی کورد دەرخەن، بەڵام لەبەر ئەوەی تورکیا رەزامەندی لەسەر نییە، بۆیە م.بارزانی کەوتۆتە خۆ تاکو بەڕەکە لەژێر پێی کورد دەرخات و جارێکیتر راکان جبوریەک یان تورکمانێک بکاتە پارێزگاری کەرکوک.
جێگەی ئاماژەیە هەموو جوڵەکانی م.بارزانی بۆ کەرکوک بە زیانی کەرکوک و کورد تەواو بووە، یەکەم دەستبەسەرداگرتنی بیرە نەوتەکانی بایە حەسەن و خوڕمەلە. دووەم، فریودانی نەجمەدین کەریم بۆ ریفراندۆم و شکست خواردنی و بەرگری نەکردن لە کەرکوک و ریفراندۆم و بەخەفەت مردنی نەجمەدین کەریم.
یاری سێیەم کە لەهەموویان مەترسیدارترە، لەگەڵ گەڕانەوەیان لە ٢٠٢٣ بۆ کەرکوک دەستیپێکردووە، ئەویش لە هەوڵێکی ئاژاوەنانەوەو بەکوشتدانی سێ لاوی کورد. دووەم، پارچە کردنی لیستی کوردستانی و بەتەنها بەشداربوونی بۆ هەڵبژاردنەکان. سێیەم، پارچەکردنی کورسی کورد و جموجۆڵ کردن لە گەڵ تورکمان و عەرەبی سونی شۆڤینیست.
ئەوانە هەمووی سەلمێنەری ئەوەن کە م.بارزانی جارێکیتر دەیەوێ کەرکوک بفرۆشێتە تورکمان و عەرەبی سوونی، دیسان ئەوەش سەلما کە لە چوار ساڵی رابردوو، راکان جبوری وەک نوێنەری پارتیش پارێزگاری بە وەکالەت بووە، بۆیە نەتوانرابوو نوێنەرێکی کورد ببێتە پارێزگاری کەرکوک.
لیستەکانی ئەنجومەنی پارێزگای کەرکوک کە پێکهاتوون لە حەوت لیست و ١٦ ئەندام:
- لیستی کەرکوک هێز و ئیرادەمانە: ١- رێبور تەها. ٢- ئەحمەد کەرکوکی. ٣- هۆشیار کەرکوکی.٤- نەشئەت جەوازات.٥- پەروین فاتیح.
- هاوپەیمانی عەرەبی: ١- راکان جبوری. ٢- سەلوا مەفرەجی. ٣- ئەحمەد حەمدانی.
- بەرەی تورکمانی: ١- ئەحمەد رەمزی. ٢- سەوسەن جەدوع.
- پارتی دیموکراتی کوردستان: ١- حەسەن ئەحمەد. ٢- شۆخان حەسیب.
- هاوپەیمانی قیادە: ١- رەعد ساڵەح. ٢- مەحمەد ئیبراهیم.
- عروبە: زاهر عاسی.
- بابلیۆن: ئەنجیل زیا شیبا.
جێگەی ئاماژەیە لە ١٨-١٢-٢٠٢٣ هەڵبژاردنی پارێزگای کەرکوک ئەنجامدراوە، بەڵام حکومەتی خۆجێیی کەرکوک پێکنەهێنراوە.
