ئازا پرێس
جومانە غەلای وتەبێژی كۆمسیۆنی باڵای سەربەخۆی هەڵبژاردنەكانی عێراق ئەمڕۆ ٢٤-١٠-٢٠٢٤ رایگەیاندووە، لە ئێستادا كۆمسیۆن سەرقاڵی پۆڵێنكردنی سكاڵاكانە و بەپێی وردبینییەكان پێدەچێت زۆربەی سكاڵاكان زەرد و سەوزبن واتا سكاڵای سووری تێدا نییە كە لەلای كۆمسیۆن جێی بایەخە”.
دەشڵێت، “كۆمسیۆنی هەڵبژاردنەكان، لە رۆژانی داهاتوودا، بەر لە راگەیاندنی ئەنجامی كۆتایی پڕۆسەكە، كاندیدەكان بانگهێشتدەكات بۆ ئەوەی سەرجەم ئەو داتاو ئامارانە بخاتە بەردەستیان كەسكاڵایان لەسەر بووە، ئەمەش وەك وەڵامدانەوەیەكە بۆ ئەو لایەنانەی كە گومانیان لەپڕۆسەكە هەیە.
جێگەی ئاماژەیە لەدوای راگەیاندنی ئەنجامە بەرایەکان، پێنج لایەن (هەڵوێست، کۆمەڵ، بەرەی گەل، یەکگرتوو، گۆڕان) ئەنجامەکانیان رەتکردەوەو گوتیان ئەوەی راگەیەنراوە ئەنجامی ئێمە نییە بەڵکو کۆمسیۆن لەبەرژەوەندی سێ لایەن ئامێرەکانه ژماردن کاریان پێکراوە.
