ئازاپرێس
دوێنێ هەینی یەکی تەشرینی دووهەم بەرگری شارستانی کەشوهەوای هەرێمی کوردستان ڕاگەیاندراوێکی بەپەلەی سەبارەت بە ڕوودانی لافاو لە شارەکانی هەرێمی کوردستان و چەند ڕێنماییەکی بۆ خۆپاراستن بڵاو کردووەتەوە
دوێنێ هەینی شەپۆلێکی بارانی بە خوڕ پارێزگای هەڵەبجەی گرتەوە و هەر بەو هۆکارەوە ڤیستیڤاڵی هەنار بۆ کاتێکی تر دواخرا.
هەر ئەمڕۆ لە سۆران، سلێمانی، هەولێر بارانی بە خوڕ باریوە و لە کەرکووکیش بە شێوەی نمەنمە باران باریوە.
لە گومرگی هەولێر بەهۆی باران بارینەوە لافاو دروست بووە و زیان بەر هاووڵاتیان کەوتووە.
بە پێی زانیارییەکانی کەشناسی رێژەی بارینی باران لەم دوو ڕۆژەی ڕابردوودا بەم شێوە بووە
کەلار: 9.6 ملیمەتر
– هەڵەبجە: 7.4 ملیمەتر
– دەربەندیخان: 7.0 ملیمەتر
– مەیدان: 8.6 ملیمەتر
– خانەقین: 15.2 ملیمەتر
– – خورماتوو: 1 ملیمەتر
– کەرکووک: نمە نمە
ژووری ئۆپراسیۆن و بەڕێوەبردنی قەیران و کارەسات لە هەرێمی کوردستان بە پشتبەستن بە پێشبینییەکانی کەشناسی، ھاوڵاتیان ئاگادار دەکاتەوە کە سبەی کاتژمێر ٦:٠٠ لە هەولێر بارانبارینی بە لێزمەدەستپێدەکات و تاوەکو کاتژمێر ١٢:٠٠ بەردەوام دەبێت، درەنگانی شەو دەستپێدەکاتەوە تاوەکو کاتژمێر ٦:٠٠ـی رۆژی دووشەممە.
لە سلێمانی سبەی یەکشەممە لە کاتژمێر ٦:٠٠ بارانبارین دەستپێدەکات و تاوەکو کاتژمێر ١٥:٠٠ بەردەوام دەبێت.
لە دهۆک سبەی یەکشەممە لە کاتژمێر ٦:٠٠ بارانبارین دەستپێدەکات و ٢٤ کاتژمێر بەردەوام دەبێت.
لە هەڵەبجە سبەی یەکشەممە لە کاتژمێر ٩:٠٠ بارانبارین دەستپێدەکات و تاوەکو کاتژمێر ١٢:٠٠ بەردەوام دەبێت.
لە کەرکوک و گەرمیان سبەی کاتژمێر ٩:٠٠ بارانبارین دەستپێدەکات تاوەکو کاتژمێر ١٢:٠٠ بەردەوام دەبێت
لە زاخۆ و سۆران سبەی لە کاتژمێر ٦:٠٠ بارانبارین دەستپێدەکات تاوەکو کاتژمێر ٦:٠٠ـی رۆژی دووشەممە، لە راپەڕینیش لە نیوەڕۆی سبەی بارانبارین دەستپێدەکات تاوەکو درەنگانی شەو بەردەوام دەبێت.
