ئازا پرێس
ئەمڕۆ فەهمی بورهان، سەرۆکی دەستەی ناوچە کوردستانییەکان ڕایگەیاند، تا ئێستا کێشەی ناوچە کێشە لەسەرەکان و کەرکوک چارەسەر نەکراون، بۆیە پێمان باشە ئەو سەرژمێرییە دوابخرێت.
فەهمی بورهان، لە کۆنگرەیەکی رۆژنامەوانیدا ئەمڕۆ یەکشەممە رایگەیاند: “ئێمە لە دژی سەرژمێریی نین و بە پێویستی دەزانین، پێمانوایە بەشێک لە ئاوات و ئامانجەکان دێنێتە دی بە تایبەت لە هەر چوار پارێزگای هەرێمی کوردستان”.
لەبەشێکی دیکە لێدوانەکەی دا فەهنی بورهان مەترسی خۆشی نەشاردەوەو گوتی ٨ گەڕەکی نوێی عەرەبی لە کەرکوک دروستبوونە، بۆیە داوای لە خەڵکی کەرکوک کردوە بەر لە رۆژه سەرژمێری بگەڕێنەوە شارەکەیان، چونکە ئەم سەرژمێریە وەک سەرژمێریەکەی ساڵی ١٩٥٧ بۆ کورد گرنگە.
بڕیارە رۆژی ٢٠/٢١-١١-٢٠٢٤ سەرژمێری لە سەرتاسەری عێراق ئەنجام بدرێ و هەرێمی کوردستان و ناوچە کێشە لەسەرەکانیش دەگرێتەوە، سەرەڕای یەکلانەبوونەوەی ئەو ناوچانە.
