ئازا پرێس
بڕیارە ئەمڕۆ ١٨-١١-٢٠٢٤ عومەر پۆڵات وەزیری بازرگانی تورکیا، سەردانی بەغدا بکات لەگەڵ محەممەد شیاع سودانی سەرۆک وەزیرانی عێراق کۆببێتەوە. بەپێی زانیاریەکان ئامانجی سەردانەکە تاوتوێکردنی دوایین ڕێکارەکانی پەیوەست بەدەستکردن بە دروستکردنی پڕۆژەی ڕێگەی گەشەپێدان تاوتوێدەکەن.
ئەو پڕۆژەیە ستراتیژیەی کە وڵاتانی کەنداو لە ڕێی عێراق بە تورکیا دەبەستێتەوە، بەجۆرێک پڕۆژەکە بە ۱۰ پارێزگای عێراق تێدەپەڕێت، بەڵام هیچ پارێزگایەکی هەرێمی کوردستان ناگرێتەوە.
جێی باسە، مانگی چواری ئەمساڵ بەسەرپەرشتی محەممەد شیاع سودانی‌و ڕەجەب تەیب ئەردۆغان‌و نوێنەرانی هەریەکە لەقەتەرو ئیمارات، ڕەشنوسی پڕۆژەکە لە بەغدا واژۆکرا.
جێگەی ئاماژەیە تائێستا هیچ هەنگاوێکی کردەی لەمبارەوە نەهاوێشتراوە، ئەوەش جێگەی گومانە کە تورکیا بەو ئابوریە خراپەیەوە دەتوانێ شانبداتە بەر پرۆژەیەکی وەها ستراتیژی و خەرجی زۆر؟
