ئازاپرێس
دیمۆکراسی،لە ئەتینا بەرەو کوردستان
وشەی دیمۆکراسی چەمک و داهێنانی ئەتینایە ، بە واتای جۆرێکە لە خۆبەڕێوەبەری کە تێیدا خەڵک دەسەڵاتی هەڵبژاردنی یاسا و یاسادانەریان هەیە، پرسە سەرەکییەکانی دیموکراسی بریتین لە: ئازادی کۆمەڵ، ئازادی ڕادەربڕین، هاووڵاتیبوون، ڕەزامەندی خۆبەڕێوەبەری، مافی ژیان، مافی کەمینەکان و…
مروڤایەتی بۆ بەدیهێنانی ئازادی و ئاشتەوایی لە ڕێگای دیموکراسی دا میلیۆنان قوربانی داوە،
دیموکراسی و خۆرهەڵاتی ناوەڕاست
کێشە کۆمەڵایەتییەکان و تێڕوانینی هەڵە و نەریتە کۆنەکان لایەنەکانی دیکەی چەمکی دیموکراسیان لە خۆرهەڵاتی ناوەڕاست پەکخستووە،
هۆکاری چەقبەستن لە ناوچەکەدایە و بەربەستی لە بەرانبەری چەمکی دیموکراسیەوە درووست کردووە و هەتا ئاستێک لە گەشەی خستووە، لە فیلتەر کردن، سانسۆر و…
ساڵانێکە تێکۆشان بۆ دیمۆکراسی دەکرێت و گۆڕانگاری گەورەی هێناتە ئاراوە بەڵام هێشتا بە ئەندازەی پێویست نییە.
دروست بوونی حیزب لە کوردستان
نەتەوەی کورد بۆ گەیشتن بە ئامانجەکانی خۆی کە ڕزگاری خاکی دابەش کراوە، چەند سەدەیەکە لە پێناویدا دەجەنگێت و بە دەیان حیزبی و ڕێخراوەی ڕزگاریخوازی دامەزراندووە و دەیان سەرهەڵدان سەری هەڵداوە
خەباتی ئازادیخوازانەی نەتەوە کورد دەتوانێت بە سەر سێ قۆناخی فیۆدالی، ئایینی، سیاسی دابەش بکرێت
کۆماری کوردستان و سەرهەڵدانی حیزبی کوردی
یەکێک لەو حیزبەیانە پارتی دیموکراتی کوردستان عێراق بوو کە لە ڕاستیدا هیچ کاتێک نەیتوانی ببێتە حیزب و ڕێکخراوەیەکی سیاسی و هەر سێ وشەی پارتی، دیموکرات و کوردستان لەو حیزبەدا بوونی نییە.
پارتی دیموکراتی کوردستان عێراق،
لە ساڵی ١٩٤٦،دامەزراوە ،ئەم پارتە یەک سەدە قۆرخکاری،چەوساندنەوە ،گرتن ،ڕاوەدوونان، کوشتن و …
دوای ڕاپەڕینی ساڵی 1991 بنەماڵەی بارزانی بوونەوەلی ئەمر و باشووری کوردستان بە حوکمی قەرەقوشی بەڕێوە دەبات .
پێناسەی دیموکراسی لەناو پارتی دیموکراتی کوردستانی عێراق دا
دوای یەک سەدە لە دامەزراندنی پارتی دیموکراتی کوردستان تەنها دووکەس سەرۆکایەتی کردووە یەکیان مەلا مستەفای بارزانی و دواتر مەسعوود بارزانی و هیچ بڕیارێک لە ناو ئەو پارتەدا بێ ئەم دوو کەسە جێبەجێ نەکراوە.
بارزانی و نەخۆشینی دەسەڵات
دوای حوکمڕانی مەسعوود بارزانی لە بلە و بارزان نەخۆشینی دەسەڵات لە ناو بنەماڵەی بارزانی دا سەریهەڵدا، ساڵانێکە مەسعوود بارزانی سەرۆکایەتی هەرێمی کوردستان دەکات و چەند پۆستێکی هەستیاریان بۆ خۆیان قۆرخ کردووە وەک سەرۆکی هەرێمی کوردستان، سەرۆک وەزیران، وەزیری ناوخۆ و وەزیری دارایی و ئەم پۆستانە تەنیا موڵکی ئەوانە و بۆ هیچ کەسێکی خەڵکی هەرێمی کوردستان بە ڕەوای نابینن و ئەجیندای بنەماڵەیی خۆیان لەو ڕێگەوە جێبەجێ دەکەن.
دیموکراسی لە ناو بنەماڵەی بارزانی دا تا ئەو ئاستەیە کە بەرژەوەندییەکانیان نە خاتە مەترسیەوە، گەر بەرژەوەندییەکانیان بکەوێتە مەترسی دەست بۆ هەر شتێک دەبەن لە داخستنی پەرلەمانی هەرێمی کوردستان ،31ی ئاب،گرتنی ڕۆژنامەنووسان، تیرۆر کردن، بوختان، تۆقاندن و… بەرهەمی دیموکراسی بنەماڵەی بارزانییە.
