ئا:ئازا پرێس
بەگوێرەی راگەیاندنەکان، دوێنێ ئێوارە لایەنگرانی بەرەی تورکمانی سەربە میت و پارتی بە دروشمی گورگە بۆرەکان لە دژی پارێزگاری هەڵبژێردراوی کەرکوک رێبوار تەها خۆپیشاندانیان کرد. خۆپیشاندەرانی بەرەی تورکمانی پەلاماری هێزە ئەمنیەکانیاندا، لە ئەنجامدا چەندین کەسی بەسووکی بریندار بوون و چەندکەسێکی گێرەشێوێنی بەرەی تورکمانیش دەسگیرکران.
شایانی باسە، دوای ئەنجامدانی پرۆسەی هەڵبژاردنی پارێزگار و سەرۆکی ئەنجومەنی کەرکوک، پارتی لە رێگەی بەرەی تورکمانی سەر بەمیت و چەند لایەنێکی عەرەب، لەلایەک ئەمڕۆ سکاڵای تۆمار کردووە لەبەغدا، لەلایەکیتریش دوو رۆژە لەسەر یەکتر لە کەرکوک خۆپیشاندانی ئەنجامدەدات، دەرکەوت کادیرانی پارتی ئەو خۆپیشاندانانیان لە دژی پارێزگاری هەڵبژێردراو رێکخستوە، دەرکەوتنی وێنەی کاندیدی پارتی بۆ هەڵبژاردنەکانی کەرکوک (سامی غەفور مەحمەد) لە ناو خۆپیشاندانی دوێنێ، قسەکەمان زیاتر پشتڕاست دەکاتەوە.
جێگەی ئاماژەیە سەرەڕای ناڕەزایەکانی پارتی و میت و عەرەبی شۆڤێنی، ئەمڕۆ رێبوار تەها وەک پارێزگاری کەرکوک سوێندی یاسای خواردو چووە سەر ئەرکەکەی لە تەلاری پارێزگا دەستبەکاربوو.
