ئازا پرێس
ئەو مانشێتەی سەرەوە قسەی بەڕێوەبەری کۆمپانیای چەترە کە دوو لە ئەندامە چالاکەکانی بەناوی (گوڵستان تارا و هێرۆ بەهائەدین) کاتێک دەچوون بۆ رووماڵی بەرنامەی تەلەفزیۆنی لە دەڤەری هەورەمان کەوتنە بەر هێرشی فڕۆکەی تورکیا و شەهیدبوون.
دەزگای بەناو دژە تیرۆری پارتی کە ناوەندەکەی لەهەولێرە، ویستی بە زانیاریە چەواشە و هەڵەکانی رای گشتی بشێوێنێ و هەردوو رۆژنامە نووسی شەهید و هاوڕێیانیان لە کۆمپانیای چەتر بە (بەرپرسیارێکی چەکداری باڵای پەکەکە بەناوکرد)، ئەو لێدوانەی دەزگای دژە مرۆڤی پارتی، لەلایەن گشتی ئازادیخوازانەوە رووبەڕووی ناڕەزایەتی هات، بەتایبەت بەڕێوەبەری کۆمپانیا چەتر کەمال حمە رەزا گوتی، ئەو دەزگایە دژە مرۆڤیە نەک دژە تیرۆر، دەبێ قسەیەک بێ لەناو غەم و حەسرەتی هاوڕێتی چەندین ساڵەی پێکەوە کارکردنیان لەگەڵ هەردوو هاوڕێی شەهیدی هاتبێ، بەڵام راستی پێکاو ناوێکی بەقەد باڵای خۆی بۆی ئەو دەزگایەی میت – پاراستن پەیدا کرد. لە ئێستا ماڵپەڕ و پەیج و راگەیاندنەکانی دەزگای پاراستن – میت هەوڵدەدەن ئەوەی کردوویانە پینەی بکەن، بەڵام دژایەتیە مرۆڤیەکەیان ئەوەندە گەورەیە بە هیچ بۆیان پینە نابێ.
