شرۆڤە هەواڵ: ئازا پرێس
لە بەیروتی پایتەختی لوبنان، دەگوترێ لە رووداوێکی هاتووچۆ نور زوهێر بریندار بووە. نور زوهێر تۆمەتبارە بە دزینی(2) میار دۆلار و نیو، گومان دەکرێ لەم دزیە هاوبەشی باڵای هەبێت لە کاربەدستانی دەوڵەتی عێراق. بۆیە لای چاودێرانی دۆسیە سەدە گومان دروست بووە کە ئایا رووداوێكی سروشتیە یان روداوێكی پلان بۆ دارێژاوی مافیاییە، بۆ پەردەپۆشكردنی تاوانی دزی سەدە و لەناوبردنی، ئەمەش دوای ئەوەهات کە دزە هاوبەشەکان بۆ ئەوەی ناوی هەموویان لەو دۆسیەیە ئاشكرانەبێت بە مەبەست رووداوەکەیان دروست کردووە؟
میدیاكانی لوبنان بڵاویانكردەوە، دوێنێ هەینی نور زوهێر، خاوەنكاری عێراقی لەناوچەی (الحدت) لە بەیروتی پایتەخت، گوایە تووشی رووداوی هاتوچۆ بووەو، نزیكبووە لەوەی ژیانی لە دەستبدات.
بڕیارە نور زوهێر, رۆژی (27) ئەم مانگە بگەڕێتەوە بۆ بەغدا، بەمەبەستی ئامادەبوون لە یەكەم دادگایكردنی، بە تۆمەتی دزینی پارەی ئەماناتی باجەكانی عێراق کە دەگوترێ زیاتر لە دوو ملیار و نیو دۆلار.
ناوبراو لە چەند رۆژی رابردوودا، لە چاوپێكەوتنێكی تەلەفیزیۆنی هەڕەشەی ئاشكراكردنی تەواوی ئەو ناوانەی كرد، كە لەو دزیە بەشدارن.
