ر.ئازا پرێس
بەگوێرەی ئەو ئامارانەی کە ماڵپەڕی کوردستان تایمس لە مانگی نیسانی ئەمساڵ بڵاوی کردۆتەوە، سەبارەت بە سپۆنسەری بۆ پەیج و لاپەڕەکانی فەیسبووکی حیزب و کەسە پارەدارەکانی هەرێمی کوردستان.
لەبەر ئەوەی پارتی زۆرترین پارەی لە سپۆنسەری پەڕەکانی فەیسبووک خەرج کردووە، بۆیە بەپێویستی دەزانین ئەو ئامارانەتان بۆ رووماڵ بکەین، ئەوەش بخەینە روو کە میدیاکانی دەزگای پاراستن رۆژانە بە سەروباڵی مەسرور بارزانی هەڵدەدەن، چەندە دزی لە ماڵی گشتی کردووەو لە پەیجەکانی خۆی خەرج کردووە، هەمووکەس ئەوە دەزانێ، هیچ راگەیاندنێک لە پارتی بەبێ مۆڵەتی دەزگای پاراستن ناتوانێ دەستبەکار بکات، دیسان هیچ دەزگایەک ئەگەر پەلامار و شەڕی چەواشەکاری بۆ پارتی و بنەماڵەی بارزانی و دەسەڵات و دامودەزگا ئەمنیەکانی نەکات، ئەوانەش پشتگوێ دەخرێن و هیچ خەرجیەکیان بۆ ناکرێ.
بەگوێرەی زانیاریەکانی ئازا پرێس: لەکاتی ئێستا مەرجە راگەیاندنێکی پارتی خەرجی و سپۆنسەری لێبکرێت کە شەو و رۆژ پەلاماری پەکەکە و رۆژئاوا و یەکێتی بدات و هەموو هەواڵ و زانیاریەکانی دەزگای پاراستن بە داڕشتنێکی زێدەڕۆ بکاتە هەواڵ و راپۆرت و لە ماڵپەڕ و میدیای دژیتاڵی خۆیان بڵاوی بکەنە.
چاودێرانی میدیای دژیتاڵ دەڵێن: لەبەر ئەوەی میدیاکانی پارتی هەمووی لەسەر سەرچاوە حیزبی و هەواڵگریەکانی دەزگای پاراستن بەڕێوە دەچێ، بۆیە کەمترین خوێنەر باوەڕیان پێدەکات، ئەمەش وادەکات کە زۆرترین پارە لە سپۆنسەری پەیجەکانیان خەرج بکەن، تاکو لەمەش هاوڵاتی چەواشە بکەن و بڵێن سەیرکەن زۆرترین خوێنەر و بینەرمان هەیە.
لەو ئامارانە مەسرور بارزانی بەتەنها بۆ سپۆنسەر پەڕەی کەسی خۆی ٣١.٦٤٤ هەزار دۆلاری خەرج کردووە.
بەگشتی پارتی سپۆنسەریەکانی ٤٤٧.٥٣٥ هەزار دۆلار واتا نزیکەی نیو ملیۆن دۆلار دەکا.
راستی قسەکانمان لەم ئامار و داتایەی خوارەوە ببینە کە بۆ تەنها ١٠ پەڕەیان خەرج کراوە؛
ناوی دەزگای راگەیاندن سپۆنسەری بە دۆلار
١-باز پڵەس ٧٧.٨٦٧هەزار دۆلار
٢-خواکورک ٢٠.٨٢٢هەزار دۆلار
٣-ئاسان ١٧.٤٦٦هەزار دۆلار
٤-رێچکە ١٧.٠٠٦هەزار دۆلار
٥-نامە ١٦.١٠١ هەزاردۆلار
٦-داو ١٤.٤٥٦ هەزار دۆلار
٧-لاپەڕە ١٣.٣٧٣ هەزاردۆلار
٨-واگۆن ١٣.٢٨٥ هەزار دۆلار
٩-دەنگێ بەهدینان ١١.٣٢٩ هەزار دۆلار
١٠-کوردستان پرێس ٩.٤٦٠ هەزار دۆلار
