ئا:ئازا پرێس
بەگوێرەی بڵاوکراوەی پەرەی فەرمی تەلەفزیۆنی تورکمانلی، دوێنی ٢٧-٨-٢٠٢٤ بەرپرسانی تورکمانی عێراقی لە تورکیا بوونە و لەگەڵ جێگری وەزیری دەرەوەی تورکیا کۆبوونەتەوە. هەواڵی وەزارەتی دەرەوە ئاماژەی بەوە کردووە کە جێگری وەزیری دەرەوە لە ئەنكەرە لەگەڵ حەسەن تۆران و ئەرشەد ساڵحی کۆبۆتەوە، باسیان لەدواین دۆخی كەركوك كردووە، بەتایبەت دوای بەشدار نەبوونیان لە حکومەتی خۆجێی شارەکە.
وەزارەتی دەرەوەی توركیا بڵاویكردەوە: د.نوح یەڵماز، جێگری وەزیری دەرەوەی توركیا، لە ئەنقەرە لەگەڵ حەسەن تۆران، سەرۆكی بەرەی توركمانی و ئەرشەد ساڵحی سەرۆكی فراكسیۆنی توركمان لە پەرلەمانی عێراق، کۆبۆتەوە.
بەوتەی وەزارەتی دەرەوەی توركیا: كۆبونەوەكە تایبەت بووە بە تاوتوێكردنی دواین پێشهاتەكانی شاری كەركوك، توركیا جەختی لە پشتیوانیكردنی توركمانەكان كردووەتەوە لە عێراق.
بەرەی توركمانی كە خاوەنی دوو كورسیە لە ئەنجومەنی پارێزگای كەركوك، لە دوای هەڵبژاردنی پارێزگارو سەرۆكی ئەنجومەنی پارێزگای شارەكە لە رۆژی (١٠) ئەم مانگە، لەگەڵ پارتی كە خاوەنی (٢) كورسیە و بەشێك لە عەرەبەكانی كەركوك كە (٣) كورسین، بایكۆتی دانیشتنەكانی ئەنجومەنی پارێزگای كردووەو، تائێستا ئامادەنین ئەو پۆستانەی لە حكومەتی خۆجێی نوێی كەركوكدا بۆیان دانراوە پڕی بكەنەوە.
هێشتا ئەوە دیارنییە کە کۆبوونەوەکە لەسەر داوای بەرەی تورکمانی بووە یان لەسەر داوای وەزارەتی دەرەوەی دەوڵەتی تورکیا، چونکە لەکۆبوونەوەیەکی بەوشێوەیە بۆچی وەزیری دەرەوە حاقان فیدان، ئامادەی کۆبوونەوەکە نەبووە کە پیلانداڕێژەری هەڵبژاردن و چۆنیەتی جموجۆڵی بەرەی تورکمانی و پارتی و خەمیس خەنجەرە. پێشتر لە راگەیاندنەکان دەگوترا کە ح.تۆران و ئەرشەد ساڵحی ناکۆکن لەگەڵ یەکتری، بەڵام ئەرشەد ساڵحی ئەو دەنگۆیانەی رەتکردەوەو گوتی ئێمە بەیەک تیم کاردەکەین.
دەکرێ برسیاری ئەوە بکرێ، دوای بەشدار نەکردنی بەرەی تورکمانی لە حکومەتی خۆجێیی کەرکوک، ئایا تورکیا و پارتی چیان بەدەستەوێیە، تاکو نائارامی لە کەرکوک قوڵترکەنەوەو نەهێڵن پارێزگاری کورد بەئارامی کارەکانی بەڕێبخا. وەک ئەو خۆپیشاندان وئاڵۆزیانەی لە رۆژەکانی یەکەمی هەڵبژاردنی پارێزگار رێبوار تەها بە هاوبەشی لەگەڵ پارتی و خەمیس خەنجەر ئەنجامیاندا؟؟
