ئازا پرێس
ئەمڕۆ بە نامەیەکی فەرمی مستەفا زێوەیی وازهێنانی خۆی لە حیزبەکەی راگەیاند.
زێوەیی لە نامەکەیدا بەشێک لە هەوڵ و ماندوبوونەکانی باس دەکات، هەمانکات باسی ئەو غەدرو ناحەقیش دەکات کە لەناو پارتیدا هەیە.
لەکۆتایی نامەکەیدا مستەفا زێوەیی دەڵێت، زۆر بەداخەوە بۆ ئەو هەموو خەبات و ماندوبوونەی کە کردمان بەباچوو.
لەماوەی کەمتر لە مانگێکدا ئەوا دووەمین فەرماندەی پێشمەرگەی پارتیە کە دەستبەرداری حیزبەکەی دەبێ لەسەر ناحەقی، پێش ئێستاش فەریق سەید عەبدوڵا کەردزی وازهێنانی خۆی لە پارتی راگەیاندبوو.
درێژەی نامەکەی مستەفا زێوەیی بەم شێوەیەیە:
بەناوی خوای گەورەمیهرەبان
من(مستەفا حەسەن حمدامین) ناسراو بە مستەفا زێوەیی لەساڵی ١٩٨٣ پەیوەندیمکردوە بە ڕێکخستنەکانی پارتی دیمکراتی کوردستان زۆر چاڵاکانە ئەو ئەرکانەی کە پێم دەسپێردران جێبەجێم کردون تا ڕاپەڕینە مێژووییەکەی بەهاری سالی ١٩٩١ کە بەوپەڕی هێزو تواناوە بەشداریمانکرد و تاکو ئێستاش چەکی شەرەفی پێشمەرگایەتیم لەشانە و ئێستا لەکاتی نووسینی ئەوبابەتە لەهەمووکات وساتە سەختەکان پێشەنگ بوویمە بەشاهێدی هاوسەنگەرەکانم و خودی قیادەی پارتیمان ئەو ڕاستیە دەزانن کە هەمیشە بەشداریەکی کاریگەرمان هەبووە لە کوێستانەکانی حاجی ئۆمەرانەوە تا چیا سەرکەشەکانی کلاوقاسم و بەنی هەریرو تا دەگاتە پێدەشتەکانی خواروی کەرکوک هەر لە مەلاعبداللە وە تا تەلەلوەردو زەرگەو دووزخورماتوو داروبەردەکانی شاهیدی ئەوەن کە مستەفا زێوەیی چیکردوەو چەندە چالاکانەو لێبڕاوانە ڕووبەڕووی تەحەدای دوژمنان بۆتەوە بەشانازیەوە پەشیمانی یەک چرکەی خەباتی پڕسەروەرانەی خۆم نیم بەڵام ئەوەی ساردمان دەکاتەوە لەخەبات و تێکۆشان بێوەفایی وبیباکی و نایەکسانیەیە لە دابەشکردنی پۆست وپایەکانە لە هێزەکانی پێشمەرگە بە ئاشکرا دەبینن چەندین کەس هەیە کە هاتیتە سەر سفرەیەکی حازرو ئامادەکراو بـــێ بسم الله دەستی پێکردوە بێ ئەوەی یەک ڕۆژ ساردی وگەرمی وناخۆشی دیتبێت تەنانەت بۆنی باروتیشی نەکردوە کەچی ئەوان ئێستا لـــــەساحەکەدا تەراتێن دەکەن و ئێمەش بێ باکانە پەراوێزخراوین . هەڤاڵان دۆستان ئەوەی کە نووسیم بەشێکی کەمە لە خەرمانی خەبات تەنیا دەڵێم زۆر بەداخەوە بۆ ئەو هەموو خەبات و ماندوبوونەی کەکردمان بەبا چوو
بۆیە پێتان ڕادەگەیەنم تا ئێرە بەسە و من دەست لەکارکێشانەوەی خۆم لە ڕیزرکانی پارتی رادەگەیەنم
دڵسۆزاتان
مستەفا زێـــوەیی
