یوسف عوسمان عەزیز
پشتگیری و پارێزگاری لەکەسایەتی ماددی و مەعنەوی باڤڵ تاڵەبانی لەمەڕ عەقڵیەتی شۆڤینی دەوڵەتی تورک لەسەر مەسەلەی ڕەشەکوژ کردنەکەی …
بەدەر لەمەسەلەی بانگەشەی هەڵبژاردن و کێشمەکێشمە بێتامە تەواو نەبووەکەی بەینی پارتی و یەکێتی و سەرسەرانێی نێوان باڤڵ تاڵەبانی و مەسرور بارزانی لەلایەک و قوباد تاڵەبانیش لەلایەک لەسەر دەسەڵات و هەتا هەڵسوکەوتە هەڵەشەکانی باڤڵ تاڵەبانی و دۆخی خراپی گوزەرانی خەڵک لەئەنجامی حوکمەتداریەکانیان و بەهەدەر دانی سامانی نەتەوەیی وڵات.
بەڵام دەبێ، بەبەراوردی ئەو هەڵوێستانەی دووکوڕەکەی مام جەلال لەبەرچاو بگیرێ و وەک و خۆی لێی بخوێندرێتەوە.
یەکەم:-
ساڵانێکە، ئەگەر کەسانێک لێی بێ ئاگا بن گلەیی تێدانیە.
دەنا بەبڕیاری هاوکاری خودی قوباد تاڵەبانی لەڕێگای … بەڕێوەبەری ئاسایشی ڕانیەو دوا خاڵی بازگەی گەیشتن بەبناری قەندیل هەتا پەیدابوونی ئەو مەسەلەی درۆن و شەهید بوونی دیار غەریب لەلۆفەی هەورازەکانی کورتەک. هەموو ئەو هاریکاریە لۆجستی و پزیشکی و مرۆییە دەگەیشتە شوێن مەبەستی خۆی.
دووەم:-
ناردنەوەو دەرکردنی بەهرۆز گەڵاڵی لەئەنقەرەی پایەتەختی تورکیا و داخستنی نووسینگەی یەکێتی نیشتیمانی کوردستان.
سێیەم:-
داخستنی فڕۆکەخانەی شاری سلێمانی لەبەردەم نیشتنەوەو هەڵفڕینی هێڵی ئاسمانی تورکیا.
چوارەم:-
ئەو گەلە هێرشە یەک لەدوای یەکەکانی درۆنەکانی تورکیا بۆسەر خەڵکی ئازادی خوازی کورد لەپێنجوێن و شارباژێڕ و گەرمیانیش لەدەڤەری بن دەسەڵاتی یەکێتی.
هەرهەموو، ئەوانە گەواهی دەری ئەوەن، یەکێتی بەخەڵک و دەڤەرو سەرکردەکانی هێشتان لەناو بازنەی نیشتیمان پەروەری ماونەتەوە.
لەبۆ وون نەکرنی شوناسی نەتەوایەتی لەباشوورو وەستانەوە لەدژی تەسلیم بوون بەئەجێنداکانی دوژمن و هاوسەنگیەکی سیاسی دروست لەباشور.
لەنەبوونی هێزێکی ڕاستەقینەی سێیەم لەبۆتەی ئۆپۆزسیۆن لەدەرەوەی پارتی و یەکێتی
بەلای کەم لەئێستادا، زۆر زەروریە یەکێتی لەسەر پێی خۆیدا بمێنێتەوە.
ئەم وتارە راو و بۆچوونی نووسەر خۆئەتی
