کورد نابێت، بەکوژرانی ئیسماعیل هەنیەو حەسەن نەسروڵای دڵخۆش بێت بەدەستی ئیسرائیل
یوسف ئیسماعیل عەزیز
(لەهەر شوێنێ دۆلار بژی، دەیژیێنمەوە سەد گیڤارا)
لەساڵی شێستەکان و حەفتاو هەتا هەشتایەکانیش خەڵکی خۆمان بەو هۆشیاریەی هەیبوو. بەبیروباوەڕو مەبدەئیانە دەژیا.
دژی ئیمپریالیزمی جیهانی و قەوارەی داگیرکاری زایۆنی و زوڵم و زۆری حیزبی بەعسی تورک و ئێرانی زەمانی شاو خومەینیش بوو.
لەچەرخی نوێ، هەموو بزووتنەوە سیاسیە ڕزگاری خوازەکانی دونیایێ چەپ و مارکسی بوونە. چونکە بەوێنەی لای خۆمان بەشێخ و مەشایەخ و مەلاو سەیدی هەر ئەوەی لەبەرهەم دێت کەهەموومان لەدەستیان حەلەولامانە.
ڕووناکبیری میللەتەکەمان لەزووەوە بەبیروباوەڕ دەژیا، بەگشتی دژی دەسەڵاتی سەرمایەداری جیهانی بوو، هاو بیرو غەمی هەموو چەوساوەکانی دونیایێ بوو لەهەر کون و قوژبنێکی ئەو دونیایەی بووایە.
ئێستا لەو بێ مەبدەئیەی ژیانی لەنەبوونی بیروباوەڕێکی چەسپاو.
لەخوت و خۆڕا، لەوگۆڕەی دژی ئەو هەموو قوربانیانەی غەزەو فەڵەستین و لوبناو حیزبوڵاو بگرە ئەو میحوەرە موقاوەمەی شیعەکان لەبۆبەرگری خۆیان لەئایینەکەیان و نەتەوەکەیان، بەبیانوی هاو ئاهەنگ نەبوونی ئەو نەتەوانە لەدۆزی داگیرکاری دوژمنانمان بۆسەر خاکی کوردستان.
کەچی، ئەگەر زووتر لەمێژووی ڕوناکبیران و سەرکردە سیاسیەکانی خۆمان بڕوانی بەشیعرو نووسین و تەنانەت هەڵوێست و بەشداری سیاسی و عەسکەری لەپاڵ هەڵوێستی ئەو میللەتانە بوونە هەر لەدەمی مامۆستا گۆران و بێکەسی شاعیر، برایم ئەحمەدو مەدحەت بێخەو، هەتا دەگاتەوە شێرکۆ بێکەس و عەبدوڵا بەشێوو تەنانەت مام هێمنی ی شاعیریش.
لێرە، دەبێت بزانرێت چەوسانەوەو داگیرکاری کوردستان ڕاستەو خۆ لەلایەن ئیمریالیزمی سەرمایەداری جیهانی و قەوارەی داگیرکاری زایۆنیە بۆسەر خاکی فەڵەستین.
لەزۆربەی قۆناغەکانیش، لەپاڵ ئەوەی حەڕەکەی کوردی باڵێکی شۆڤینی سەربەسەرمایەداری ئەمێریکی بووە.
بەڵام لەساڵی شێسەتەکانەوە، جەمال عەبدولناسرو قیادە چەپەکانی ناو بزوتنەوەی ڕزگاری خوازی فەڵەستینی لەوێنەی جۆرج حەبەش و نایف عەواتمەو لەلوبنانیش وەلید جان بۆ وڵات وخودی موعەمەر قەزافی و ئەبوبەکر عەتاسی یەمەنی دیموکراتی و هەتا شیعەو شوعیەکانی خۆمان لەبەسراو ناسریەو بەغدا، هەموو هاوغەمی دۆزی کوردەواری بوونە دژی داگیرکاریەکانی کوردستان.
بەشی زۆری هەڵەکان لەبزوتنەوەی کۆنەپەرستی سیاسی کورد بووە، نەیتوانیوە لەناو بەرەیەکی گشتی جیهانی دژ بەداگیرکاری بوەستێتەوەو وەخت و ناوەخت بەخۆی دەستی خستۆتە ناو دەستی جەلادەکەی.
لەدەشتی بیقاع، قەت ع.ئۆجەلان هیچ هەڵەیەکی نەکرد، لەپاڵ بەشێکی بزووتنەوەی ڕزگاری خوازی فەڵەستینی لەلوبنان لەسەرەتای هەشتایەکان دژی داگیرکاری ئیسرائیل، هاوشانی فەڵەستینیەکان جەنگاوە.
چونکە ئازادی میللەتانی دەوروبەرمان بەشێکە لەئازادی خۆمان.
ئەم وتارە راو و بۆچوونی نووسەر خۆیەتی
