خەبات کوردە
– چەند مانگێک پێش ئێستا ئیبراهیم ڕەئیسی بەهۆی ڕکەبەرایەتی کردنی جێگرەوەی خامەنەئی کوژرا .!
– لە ٣١ تەمموز ئیسماعیل هەنیە سەرۆکی حەمماسیش لە تاران کوژرا .!
– لە دوای هەڵبژاردنی پزیشکیان یەکەم سەردانی لە جیاتی دەوڵەتە گەورەکانی وەکو ڕوسیا و چین و کەنداو …هتدد ، سەردانی عێڕاقی کرد .!
– شەڕی غەززە ڕاگیرا و کەوتنە دانوستاندنێکی بێنە و بەردە و بێ ئەنجام تا ئێستا .!
– بەرەی دژە ئیسڕائیل ( حیزبوڵا ) لە باکور گەرم بوو و چالاکیە ئیستیفزازیەکانی ئیسڕائیلی هەراسانکرد .!
– تەقاندنەوەی ئامێرە پایجەرەکانی حیزبوڵا زەنگی ئاگادار کردنەوە و کۆنتڕۆڵی هەموو دەزگا ئەلکترۆنی و جاسوسی و پەیوەندیەکانی حیزب بوو ، بەڵام دەرسیان لێوەرنەگرت .!
– پێش بەڕێکەوتنی پزیشکیان بۆ نیویۆرک بەشداربوونی لە دانیشتنەکانی U N گووتی : واز لە بەرنامەی چەکی ئەتۆمی دەهێنین و لە گەڵ ئەمەریکا و ڕۆژئاوا ڕێکدەکەوین .!
– ئەو هەفتەیە تاک تاکە سەرکردە کاریگەرەکانی حیزبوڵا دەکوژران .!
– دوێنێ پێش وتارەکەی ناتانیاهۆ لە UN هەڕەشەی توندی لەموقتەدا سەدر کرد .!
– لە کاتی وتارەکەی ناتانیاهۆ هۆڵی سەرەکی نەتەوە یەکگرتوەکان وەکو ناڕەزاییەک سێ بەشی زیاتری نوێنەری دەوڵەتانی دونیا هۆڵەکەیان جێهێشت ، ناتانیاهۆ خەریکبوو وتارەکەی و شێوازی قسەکانیشی بگۆڕێ ، دانی بەخۆیدا گرت و دوای تەواوبوونی هۆڵەکەی بە جێهێشت .!
– دوای وتارەکەی ناتانیاهۆ سەرۆکی یەکێتی دەوڵەتانی ئەوروپا ڕایگەیاند هیچ هێزێک لە دونیادا ناتوانی ئیسڕائیل ڕابگرێ .!
– هەموو ئاماژەکان بۆ ئەوەن کە ئیسڕائیل بە هیچ جۆرێ خاوەنی ئەو جۆرە بۆمبە گەورە و بەهێزە نەبووە و فڕۆکەی هەڵگرتنی ئەو بۆمبەشی هەر نەبووە .!
– تەنها دوو کاتژمێر لە تەواو بوونی وتارەکەی ناتانیاهۆ بارەگای سەرەکی حیزبوڵا و لە گەرمەی کۆبوونەوەی سەرکردە سەربازیەکانیدا ئیسڕائیل ڕایگەیاند حەسەن نەسروڵا مان کوشت .!
– بێجگە لە ئێران ( ڕۆیتەرز ) ش پشتڕاستیکردەوە نەسروڵا نەمردوە .!
– دوای دوو کاتژمێر هەمان ناوچە و بە هەمان جۆرە بۆمبا بۆردومان کرایەوە و کۆتایی بە کوشتنی نەسروڵا هات .!
– ئێستا هەندێ پرسیار جێی هەڵوێستە لە سەر کردنن .!
– بۆ ناتانیاهۆ لە جیاتی ئەو هەمووە سەرکردە شیعە سەربازیەی حیزبوڵایەکانی لوبنان و سوریا و عێڕاق و یەمەن کەوتە هەڕەشە لە موقتەدا سەدر .!؟
– ئایا بۆ ناتانیاهۆ هەڕەشە لەو هەموو جەنەڕاڵانەی سوپای پاسداران ناکات ؟
– ئایا ئەگەر ئێران واز لە بۆمبی ئەتۆمی بێنێ و لە گەڵ ئەمەریکا و ڕۆژئاوا باوەش بەیەکدا بکەن لە بەرامبەردا نابێ دەست لە هەندێ ڕێکخراو و کۆمەڵە و چەکدار و بیرۆکەی دروست کردنی هیلالی شیعی بهێنێ بەرامبەر بە ئاشتی .!؟
– ئایا ئێران نابێ بە یەکجاری دەست لە دژایەتی دەوڵەتانی چواردەورەی و بە تایبەتیش نیمچە دورگەی عەرەبی بهێنێ .!
کەواتە ئەوەی کە ئێستا و لە داهاتوو بەرەو ڕووی چەکدارە شیعەکانی هەر یەکە
لە لوبنان و سوریا و عێراق و یەمەن دەبێتەوە حەتمەن قوربانی ئەو ئاشتبوونەوەینێوان ئێران و دەوڵەتانی ڕۆژئاوایە بە تایبەتیش ئەمەریکا و ئیسرائیل .!
ئەم وتارە راو و بۆچوونی نووسەر خۆیەتی
