ئازا پرێس
سەبارەت بە ناوزڕاندن و تۆمەت خستنە پاڵ دەوڵەتانی عەرەبی دراوسێ لەلایەن گروپە ئیسلامەیە رادیکاڵەکانەوە، باسم عەواد وتەبێژی حكومەتی عێراق دەڵێت؛ تەخوینكردنی وڵاتانی براو خراپەكاری بەرامبەریان رەتدەكەینەوە.
لەوبارەیەوە باسم عەواد، وەڵامی گروپە چەكدارەكانی عێراق دەداتەوە و دەڵێت؛ هەڵوێستە فەرمییەكانی عێراق تەنها حكومەت گوزارشتی لێدەكات.
درێژەی لێدوانەکەی باسم عەوادی، وتەبێژی حكومەتی عێراق بەمشێوەیەیە: تەخوینكردنی برایانمان و خراپەكاری دژیان رەتدەكەینەوە، بەتایبەت كە ئەوانیش لە هەوڵدان بۆ پاراستنی گەلە فەلەستین و بەدیهێنانی مافەكانیان، هەروەها مافی گەلی لوبنان لە پاراستنی سەروەری بەسەر خاكەكەی و پاراستنی سنورەكانی.
هەروەها عەوادی دەڵێت: هەڵوێستە فەرمییەكانی عێراق تەنها حكومەت گوزارشتی لێدەكات، بە سیاسەتەكانی و هەنگاوەكانی پاڵپشت بە دەستورو سیستمی دیموكراتی و، بەرپرسیارێتی لە وێناكردنی سیاسەتی گشتی و لە بەرچاوگرتنی بەرژەوەندییە باڵاكانی گەلی عێراق.
لەبەردەوامیدا وتەبێژی حكومەتی عێراقی روونتر قسە دەکا و دەڵێ: لە بەردەوامبونی عێراق لەهەنگاوە نێودەوڵەتی و هەرێمایەتیەكان، بە ئامانجی راگرتنی ئاگربەست لەلایەن ئیسرائیلەوە لە غەززەو لوبنان.
بەیاننامەكەی وتەبێژی حكومەتی عێراق دوای ئەوە دێت، ژمارەیەك لە گرووپە چەكدارەكانی عێراق، سعودیەو ئیماراتیان تۆمەتباركرد، بەوەی دەستیان هەیە لە جەنگی لوبنان و، زانیاری وردیان لەبارەی حەسەن نەسڕوڵا، ئەمینداری گشتی حزبوڵای لوبنان رادەستی ئیسرائیل كردووە.
