ئازا پرێس
دوێنێ ١٠ی تشرینی یەکەم، هان کانگی کۆریای باشوور، لە ساڵی ٢٠٢٤ خەڵاتی نۆبڵی ئەدەبی وەرگرت.
ئەو خەڵاتەکەی پێبەخشراوە بۆ “پەخشانێکی شاعیرانەی چڕ، کە ڕووبەڕووی ئازارەکانی مێژوو دەبێتەوە و لاوازی مرۆڤ دەردەخات”.
بۆچی هان کانگ خەڵاتی نۆبڵی وەرگرت؟؟
هان کانگ تەمەن ٥٣ ساڵ لەگەڵ کوڕەکەی لە ماڵەکەی لە سیئۆل نانی ئێوارەی تەواو کردبوو کاتێک هەواڵەکەی لە سکرتێری هەمیشەیی ئەکادیمیای سوید “ماتس مالم “بە تەلەفۆن پێگەیشت.
هان کانگ یەکەم نووسەری کۆریای باشوورە کە خەڵاتی نۆبڵی ئەدەبی وەرگرتووە و یەکەم لەدایکبووی ساڵانی حەفتایە.
ئەو لە ساڵی ١٩٧٠ لە گوانگجو لەدایک بووە و لە تەمەنی نۆ ساڵیدا لەگەڵ خێزانەکەی کۆچیان کردووە بۆ سیئۆل. ئەو لە خێزانێکی ئەدەبی هاتووە کە باوکی ڕۆماننووسێکی بەناوبانگە.
هان کانگ لە ساڵی ١٩٩٣ دا وەک شاعیر دەرکەوت کاتێک شیعرەکانی لە گۆڤارێکی کۆریای باشوور بڵاو کردەوە و دوای دوو ساڵ یەکەم پەخشانی دەرکەوت.
گەورەترین پێشکەوتنی نێودەوڵەتی “The Vegetarian” بوو کە لە ساڵی ٢٠٠٧ بڵاو کرایەوە.
دوایین ڕۆمانی “من ماڵئاوایی ناکەم” لە سەرەتای ئەمساڵدا بە زمانی سویدی بڵاو کرایەوە. ساڵی پار، “ڕووەکخۆرەکە” وەک شانۆگەرییەک لە شانۆی درامای شاهانە نمایشکرا.
بەگوێرەی ئەکادیمیای سوید ، خەسڵەتەکەی هان کانگ “دووجار دەرخستنی ئازار ، کە تێیدا ئەشکەنجەی دەروونی و جەستەیی لەگەڵ پەیوەندییەکی قووڵ لەگەڵ بیری شەرق” هەیە . هەروەها ئەکادیمیاکە بە “داهێنەری پەخشان” وەسفی دەکات.
جگە لە نووسینەکانی، خۆی بۆ هونەر و مۆسیقا تەرخان کردووە.
