ئازا پرێس تایبەت
بەشی چوارەم و کۆتایی
دەوڵەتی تورکیا بە هەموو توانای خۆیەوە هێرشی گەلی کورد دەکات، لەم هێرشانەدا کۆمەڵگەی ئێزیدی، پشکی شێری بەرکەوتووە. فاشیزم و نەتەوەگەریی تورک، بە هیچ شێوازێک نە نەتەوەی کورد و نە کۆمەڵگەی ئێزیدی قەبوڵە، هەر بۆیە هێرشی شەنگال دەکات. بنەماڵەی بارزانی لێرەدا چۆن ٢٠١٤ شەنگالیان فرۆشت، بەڵام خەڵکی شەنگال، دوای هێرشەکانی داعش، خۆیان لە نوێ وە ئاوا کرد. لە دژی خیانەتی پارتی راوەستان و سیستەمی خۆبەڕێوەبەری دیموکراتیانەیان بۆ خۆیان ساز کرد. پارتی لە دژی شەنگال کەوتە بەرەی تورکیا و لە بەرانبەری خەڵکی شەنگال بەهاوبەشی دەستیان بە هێرش کرد. سیاسەتی بنەماڵەی بارزانی بۆ شەنگال زۆر ئاشکرایە دەڵێن؛ یان دەبێ شەنگال بۆ ئێمە بێت! یان ناهێڵین کەس تێیدا ئارام بژی. کۆمەڵگەی ئێزیدیش بڕیاری خۆی داوە کە دەیەوێ بە ئیرادی خۆی خۆی بەڕێوەبەرێ و جارێکیتر بەدەستی پارتی و حکومەتی عێراقی گورگان خواردوو نەکرێت.
کۆمەڵگەی ئێزیدی وەک خۆیان باسی دەکەن تا ئێستا رووبەڕووی ٧٣ فەرمان بۆتەوە، ٢ لەو فەرمانانە لە سەردەمی دەسەڵاتی پارتی لە ٢٠٠٧- ٢٠١٤پێکهاتووە، لە هەر دووکیان پارتی کۆمەڵگەی ئێزیدی بەتەنها و بەبێ پاراستن بەجێهێشتووە.
هێرشی سییەم: لە هێرشەکانی ٢٠٢٣ ئەندامێکی بەڕێوەبەرایەتی خۆسەری شەنگال، بەناوی مەنال مێردین لە شوێنی حەوانەوەی لە ماڵەکەی خۆی لە ٢-١-٢٠٢٣ لە شەنگال لەلایەن دەزگای میت – پاراستنەوە تیرۆر کراوە، راگەیاندنەکانی تورکیاش ئەمەیان پشتڕاست کردۆتەوە.
بەردەوامی هێرشەکان لە ساڵی ٢٠٢٤
هێرشی سییو یەکەم: لە ٢٩ی شوباتی ٢٠٢٤ فڕۆکەیەکی بێفڕۆکەوانی دەوڵەتی تورکیا، ئۆتۆمبێلی کۆمیتەی بنەماڵەی شەهیدانی شەنگالی لە نێوان گوندەکانی وەردیێ و زراڤەکێ بۆردومان کرد. لەئەنجامی ئەو هێرشەدا ئەندامێکی ڕێکخراوی خانەوادەی شەهیدانی شەنگال بە ناوی “سەعدون میرزا عەلی” باوکی ٣ منداڵ شەهید بوو.
هێرشی سیو دووەم: لە ٨ ی ئازاری ٢٠٢٤ دەوڵەتی تورکیا هێرشێکی ئاسمانی بۆ سەر گوندی ڕزکە لە نزیک سیکێنیە لە تل عوزێر ئەنجامدا، لە ئەنجامدا شەڕڤانی یەبەشە مەجدەل حەسەن خەلەف خەڵکی تل عوزێر بوو، شەهید بوو.
٢ی نیسانی ٢٠٢٤ فڕۆکەی بێفڕۆکەوانی دەوڵەتی تورکیا، ئۆتۆمبێلێکی لە نزیک کەمپی سەردەشت بۆردومان کرد. لە ئەنجامدا ژنێکی گەنج بریندار بوو.
هێرشی سیو سێیەم: لە ٨ی تەمموزی ٢٠٢٤ ئۆتۆمبێلێکی کەناڵی چرا تیڤی و چرا ئێف ئێم، لە نێوان شەنگال و تل قسەب بۆردومان کرا. لە ئەنجامدا میراد میرزا، پەیامنێری ڕادیۆی چرا ئێف ئێم شەهید بوو، میدیا حەسەن پەیامنێری تەلەفزیۆنی چرا و شوفێرەکەیان خەلەف خدر بریندار بوون.
