ئازاپرێس
یەكێتی ئەمڕۆ ٣١-١٠-٢٠٢٤ سكاڵای یاسایی لەدژی هەژماری من و رێگریكردن لە بەبانكیكردنی
مووچە لە دادگای لێکۆڵینەوەی کەرخی بەغداوە تۆمار کرد.
د. بڕیار رەشید ئەندامی فراكسیۆنی یەكێتی لەئەنجومەنی نوێنەرانی عێراق بە راگەیاندنی حیزبەکەی راگەیاندوە: “فراكسیۆنەكەمان لەگەڵ ناوەندی یاسای یەكێتی، لەدادگای كەرخ لە بەغدا سكاڵای یاسایی لەدژی هەژماری من تۆمار کرد”.
هەروەها گوتی”سكاڵاكە لەسەر رێگریكردن لەجێبەجێكردنی (تەوتین)ی مووچەی فەرمانبەرانی هەرێم و بەزۆر ناچار كردنی فەرمانبەران بە كردنەوەی هەژماری بانكی لەهەژماری من لەبانكە ناحكومییەكان، كە پێچەوانەی بڕیاری دادگای فیدڕاڵییە”
راشیگەیاند: “دادگای لێكۆڵینەوەی کەرخ سكاڵاكەی قبوڵكردو دەستیكردووە بە رێكارە یاساییەكان”.
ئەمە لەکاتێکدایە دوێنێ سەرۆکی یەکێتی و ئەمڕۆش وتەبێژەکەیان، ئەوەیان دووپات کردۆتەوە کەوا لەسنوری ژێر دەسەڵاتی ئەوان بە هەژماری من کارناکرێ و دەزگاکانیشیان داخراون.
