شامیل کامیل مەجید- خورماتوو
ئینگلیز بۆ یەکلاکردنەوەی پرسی ولایـــەتی موسڵ(باشووری کوردستان)،لە نێوان ئێراق و تورکیادا،پەنایان بۆ ڕاپرسی برد
.ئەو ڕاپرسییە بۆ سەدەیەکی ڕەبەق،چارەنووسی کـــــوردانی ئێراقی دیاری کرد و ئەوەتا هەموومان بەدەست ئەنجـــــــــام و دەرهاویشتەکانیەوە دەناڵێنین.ئێستا دوایی ســــــەدساڵ و پاش کڵاوێکی پان و دڕاوی بەناو مــــــــادەی 140،دیسانەوە چارەنووسی بەشێکی گرنگی باشووری کوردستان،دەکــەوێتە بەر تاقیکردنەوە و ڕاپرسییەکی مەترسیدار،کە بە نمرەیــــەک شوناس و جوگرافیایی سیاسی و کۆمـــــــەڵایەتی و ئابووری دەکاتە ئامانج.چونکە لە ئایندەی دوور و نزیکدا،ئەم سەرژمێر و ئەنجامەکانی،دەبێتە داتاپەیس و قاعیدەی بەیاناتی هەموو پیلان و پلانەکانی دەوڵەتی ئێراق.تەنانەت سەرژمێری 1957
یش دەکاتە ئامانج،کە کورد هەمیشە بۆ ڕووبــەڕووبوونەوەی تەعریب،دەیکاتە سەنگی مەحەک.
پاش دۆڕاندنی ڕیفڕاندۆم و هەڵوەشـــاندنەوەی ئەنجامەکانی بە(ڕێزگرتن لە بڕیاری دادگایی فیدراڵی).کورد لەنــــاوچــــەی 140،تەنیا بە باڵانسی سیاسی و هەڵبژاردن،درێژە بـــە شەڕ و شەرعیەتی خۆی دەدات.لەوێشدا بە سیاسەتی تــــــــەوازن و تەنازول،پەیڕەو لــــــە سیاسەتێکی ڕووتی حیزبی و خێڵەکی دەکات،لەنێوان بەرژەوەندییە باڵاکان و بنەمـــــــاڵەیەکاندا،بە ئاسانی دووەمیان هەڵبژاردووە.بۆیە دەبینی تاکــــە حیزبێکی وەک ی.ن.ک،وەک تاکە سوارە هەوڵی هۆشیاری و بـــەشداری سەرژمێری دەدات،هەندێکی تر لە خەونی قوڵی سەر سەرینی ڕیفڕاندۆمدایە.هەموو شتێکیش بە پێوەری کرۆستی خــــۆی دەپێوێت.وەکو ئەو گروپەی کوردایەتی کە تاکو ئێستا،نەفرین لە سایکس ــ پیکۆ دەکەن و شیوەن بـــــۆ سیڤەر دەگێڕن،بێ ئاگا لەوەی دووەم،تەواوکەری یەکەمە…!!!
لە هەڵبژاردندا،ئاساییە هاوڵاتی توڕە بێت لــــــە هەموو شتێ و بایکۆتی بکات.چونکە لە هەڵبژاردندا باڵای حیزب وکـــاندید لە باڵایی نەتەوە و شوناس گەورەتر خۆی خــــویا دەکات.یان وەک کوردە حەیاتەکە دەڵێت:(وەک مانگی چواردە گەشە)لێ بەشداری نەکردن لەم سەرژمێرییە لە زێدی خۆتدا،تـــاوانێکی مەزنە.چونکە وەک وتمان بنەمایی نوێ بۆ هەموو شتێک لەم ئێراقە دادەنێت.زۆر بە ئاسانی عەرەبێکی دیـــــــــــالە،دەکاتە کەرکوکییەکی ڕەسەن،مافی خورماتوویی بوون و خـانەقینی بوون لە کوردێکی ڕەسەن،وەردەگرێتەوە!!!.هەر لەبەر ئەمەشە ئەوەندە ساڵە،حکومەتە یەک لەدوایی یەکەکانی ئێراق،ڕێگرن لە ئەنجامدانی سەرژمێری وەک هەنگاوێک لـــە هەنگاوەکانی مادەی 140.چونکە سەرژمێری 57 بە ئەســــاس دەگرێت.لێ دوایی ئەم سەرژمێرییە،تەنانەت تەعریبیش دەبێتە سیاسەت و بڕیارێکی %100یاسایی و حقوقی و کــەس ناتوانێ ڕێگری لێ بکات.
بۆیە بەڕوح و گیانی کوردبوون و شــــــــوناس پارێزییەوە بە بەشدار بوون لەم سەرژمێرییە،ڕووبـــــــــــــەڕووی پیلانەکان دەبینەوە.
