ئازا پرێس
💢ئەمڕۆ ١٦-١٢-٢٠٢٤ ئەنجومەنی بەڕێوەبەرایەتی خۆسەری دیموکراتیانەی باکور و رۆژهەڵاتی سوریا، لەپێناو بەرەوپێشچوونی پرۆسەی سیاسی و بونیادنانەوەی سوریا نوێ لەسەربنەمای دیموکراتی، بێ ئەوەی هیچ هێزو لایەنێک پشگوێ بخرێ،
💢هەمانکات لەپێناو وەستاندنی ئۆپەراسیۆنە سەربازیەکان و گەڕانەوەی ئاوارەکان و رێگری لە تێکدانی دیمۆگرافی و رۆڵی ژنان لە قۆناغی داهاتوو، دەستپێشخەریەکی دە خاڵی راگەیاند،
💢دەقی دەستپێشخەریەکە؛
دەستپێشخەری دیالۆگی سوری بۆ بونیادنانی سوریای نوێ
１. پارێزراوهێشتنەوەی یەکێتی و سەروەری خاکی سوریا و پاراستنی لەو هێرشانەی دەوڵەتی تورکیا و بەکرێگیراوەکانی دەیکەن.
２. ڕاوەستاندنی ئۆپەراسیۆنە سەربازییەکان لەهەموو خاکی سوریا، لەپێناو دەستپێکردنی دیالۆگێکی نیشتمانی و بونیادنەر.
３. نواندنی هەڵوێستی لێبوردەیی و دوورکەوتنەوە لە گووتاری رقلێبوونەوە و تەخوینکردن لەنێوان سورییەکاندا. سوریا وڵاتێكی دەوڵەمەندە بە پێکهاتە و تائیفەکانی و پێویستە ئەو دەوڵەمەندی و هەمەڕەنگییە لەسەر بنەمایەکی دیموکراتی دادپەروەرانە بپارێزرێت.
４. کۆبوونەوەیەکی ئاوارتە لە دیمەشق رێکبخرێت، کە هەموو هێزە سوریاییەکان تێیدا بەشدار بن، بۆئەوەی بۆچوونەکان سەبارەت بە قۆناخی ڕاگوزاری یەکبخرێت.
５. بەشداری کاریگەری ژنان لە پرۆسەی سیاسی مسۆگەربکرێت.
６. جەخت لەسەر ئەوە دەکەینەوە کە دەبێت سامان و داهاتە ئابوورییەکان بەشێوەیەکی دادپەروەرانە لەنێوان هەموو هەرێمەکانی سوریا دابەشبکرێت، لەبەرئەوەی موڵکی هەموو ڕۆڵەکانی گەلی سوریایە.
７. مسۆگەرکردنی گەڕانەوەی دانیشتوانە ڕەسەنەکان و بەزۆر کۆچپێکراوەکان بۆ هەرێمەکانی خۆیان، میراتی کولتوورییان بپارێزرێت و کۆتایی بە سیاسەتی گۆڕانی دیموگرافی بهێنرێت.
８. هاوکات لەگەڵ ئەو پێشکەوتنانەی لە سوریا ڕوویاندا، جەخت لەسەر بەردەوامیدان بە قەڵاچۆکردنی تیرۆر دەکەینەوە، بۆئەوەی گەرەنتی نەگەڕانەوەی رێکخراوی تیرۆریستی داعش مسۆگەر ببێت، ئەمەش بە هاوکاری هاوبەشی نێوان هێزەکانی سوریای دیموکراتی (هەسەدە) و هێزەکانی هاوپەیمانی نێودەوڵەتی دەکرێت.
９. کۆتاییهێنان بە دۆخی داگیرکاریی، لەیەک نزیککردنەوەی بۆچوونەکان لەنێوان پێکهاتە و تائیفەکانی، تاوەکو گەرەنتی پاراستنی سەقامگیری و ئاسایش بکات، هەروەها ڕاوەستاندنی دەستتێوەردانە دەرەکییەکان لە کاروباری سوریا.
１０. پێشوازی لە رۆڵی بونیادنەرانەی دەوڵەتانی عەرەبی، نەتەوە یەکگرتووەکان، هێزەکانی هاوپەیمانی نیودەوڵەتی و هەموو هێزە نێودەوڵەتییە کاریگەرەکانی سەر کاروباری سوریا دەکەین. هانیان دەدەین تاوەکو ڕۆڵی ئەرێنی و کاریگەرانەی خۆیان ببینن؛ لەمیانەی پێشکەشکردنی ڕاوێژ و پشتیوانی گەلی سوریا ببینن، یەکخستنی بۆچوونەکانی پێکهاتە و تائیفەکان، کە گەرەنتی بە پاراستنی سەقامگیری و ئاسایش دەکات، راوەستاندنی دەستێوەردانە دەرەکییەکان لەکاروباری سوریا.
