ئازا پرێس
رۆژی ٦-٨-٢٠٢٤ گوتارێکی قاسم شەشۆ بڵاوبوویەوە کە لە رۆژی کۆمەڵکوژی سەر ئێزیدیەکان بۆ ئەندامانی پارتی قسە دەکات و دەڵێت، تا مەحمەدی هەبن ئەوا کۆمەڵکوژی لەسەر ئێمە خەلاس نابێ، هەرەوها دەڵێت، ئەو قسەشم بۆ حیساب بکەن و خاوەنداریەتی لە قسەی خۆشم دەکەم.
قاسم شەشۆ کە بەرپرسیاری هێزی چەکداری پارتیە لە شەنگال و خاوەن خەڵاتی مەسعود بارزانی دواین کۆنگرەیە، قسەیەکی بەمشێوەیە بۆچی دەکات؟؟
هەموو لایەک دەزانن ئەوانەی کۆمەڵکوژی ئێزیدیەکانین کردووە لە کۆن و نوێ سەرجەم پەیڕەوکەرانی ئاینی ئیسلام و مەحمەدی نەبوونە، بەڵکو فاشیزمی ئیسلامی توندڕەوی داعش و سەلەفی و ئیخوانی ئەکەپە یە.
قاسم شەشۆ بۆچی لە رۆژی فەرمانی ٧٤مین دوژمنایەتی ئەکەپە بۆ سەر شەنگال نابینێ ؟؟ کەتا ئێستا نزیکەی سەد گەنج و لاو وژن و پیری ئێزیدی شەهید خستوە و هاوپەیمانی سەرەکی پارتی و داعشە.
قاسم شەشۆ بۆ ئەوە نابینێ، پارتیەکەی ئەو کە دۆست و هاوپەیمانی داعش و ئیخوانی و سەلەفیەکانە لە کاتی هێرشی داعش لە ٣-٨-٢٠١٤ لە شەنگال رایکرد، بەڵام بە سەدان شەرڤان و گەریلا کە لە دایک و باوکی موسلمان بوون، هاتن خۆیان فیدای شەنگال و ئێزیدیخان کرد.
دەبێ قاسم شەشۆ و هاو ئاوەزەکانی دوژمنی مەحمەدیان بن، بەڵام کۆمەڵگەی ئێزیدی و کۆمەڵگەی موسلمان دوژمنی یەکتری نین، بەڵکو لەسەر بنەمای فەلسەفەی پێکەوە ژیانی گەل و باوەڕی و ئاین و ئاینزاکان هەولی بونیادنانەوەی شەنگال دەدەن.
ئەنجامی ئەو ئاژاوەیەیی کە قاسم شەشۆ سەبارەت بە تێکبەردانی ئیسلام و ئێزیدی نایەوە، رۆژی ٨-٨-٢٠٢٤ دادگای موسڵ بڕیاری گرتنی بۆ قاسم شەشۆ دەرکرد.
