ئا:ئازا پرێس
دوای ئەوەی پارتی رازیبوو بەشداری هەڵبژاردنەکانی هەرێمی کوردستان بکات، دەستی بە ئەنجامدانی کۆنفرانسی هەرێمی کرد لە شار و شارۆچکەکانی هەرێمی کوردستان، بەڵام لەبەر ناڕەزای و دەستبەرداری سەدان کادیر و ئەندامی، بۆیە کۆنفرانسەکانی فەشەلی هێنا، ناچار دەستی بەجوڵەی ترکرد.
پارتی کە زۆر لەم هەڵبژاردنە دەترسێ، بۆیە سەرجەم هێز و دەسەڵات و پارە بەکاردێنێ، لەلایەک سوپای تورکیایان هێناوە بۆ چاوترسێنی کردنی خەڵکی ناڕازی بادینان و هەولێر، لەلایەکیتریش دەیانەوێ بە دەسەڵات و پارەی حکومەت دەنگی خۆیان لە بازنەی سلێمانی زیاد بکەن.
پارتی بۆ هەڵبژاردنی ٢٠-١٠-٢٠٢٤ مەسرور بارزانی وەک بەرپرسیاری پڕوپاگەندی بازنەی سلێمانی دیاری کردووە، بەگوێرەی راگەیاندنەکانی سەر بە مەسرور، رۆژانە باس لە فەرمانەکانی مەسرور دەکەن بۆ دامەزراندن و کردنەوەو بەردی بناغە و دابین کردنی کەرستەی جۆراوجۆر بۆ فەرمانگەکانی سنوری بازنەی سلێمانی. مەسرور کە دووساڵە حکومەتەکەی کاتی بەسەرچووەو ئێکسپایەر بووە، واتا فەرمانەکانی سەرۆکی حکومەت هیچ ئیعتیبارێکیان نییە، رۆژانە فەرمان لەسەر فەرمان دەردەخا.
ئەوانەی خوارەوە بەشێکن لەو فەرمانانەی کە مەسرور بارزانی رۆژی ٨-٨-٢٠٢٤ بەناوی سەرۆک وەزیرانەوە بۆ راپەڕین و هەڵەبجە دەریخستوون:
بۆ پارێزگای هەڵەبجە:
- دامەزراندنی ٥٢ فەرمانبەر بەشێوەی گرێبەست…
- تەرخانکردنی رێژەی ٢٠% لە داهاتی دەروازە سنوریەکان
- دابینکردنی ٢٣ ئۆتۆمبێلی پێویست
- پێدانی دەسەڵات بەپارێزگار و قائیمقام بۆ پێشینەی کتوپڕ
- کردنەوەی فەرمانگەی نوێ و بەفەرمیکردنی دەروازەی مەرزی سازان.
بۆ راپەڕین:
- زیاد کردنی خەرجی کتوپڕ لە ٣٧ ملیۆن دینارەوە بۆ ٩٩ ملیۆن دینار.
- دامەزراندنی ٤٣ فەرمانبەر.
- دابینکردنی ١٣ ئۆتۆمبێل.
ئەگەر ئەو هەموو دەرفەتە لە حکومەتی هەرێمدا هەبوو تائێستا نەدخرا خزمەتی هاوڵاتیان، ئەوە بەواتای دزی و گەندەڵی دێت لەلایەن سەرۆکی حکومەتەوە، نا ئەگەر وەک پڕووپاگەندەی هەڵبژاردن بۆ جوڵاندنی سۆزی خەڵکە، ئەمەیان دەچێتە بابی درۆ، نا ئەگەر لەسەر حیسابی حکومەتیش تەخشان و پەخشانی سەروماڵی حکومەتە بۆ دووبارە گەڕانەوە بۆ دەسەڵات ئەمەشیان دەچێتە بابی دزی. ئەوەی زیاتر شیمانەی بۆ دەکرێ ئەویش مەسرور دەیەوێ بە دەسەڵاتەکانی سەرۆکی حکومەت و داهاتەکەی، هەمانکات بە هێنانی سوپای تورکیا بۆ بادینان، دووبارە سەرۆک وەزیرایەتیەکەی گەرەنتی بکاتەوە!!!
