لوقمان حەسەن
– پێدانی پارێزگاری کەرکوک بە یەکێتی، دوو هۆکارن :
یەکەم ، باڵانسی هێز لەقازانجی بەرەی چین ڕوسیا ئێران شیعە یەکێتی شکاوەتەوە لەبەرانبەر هەژموونی تورکیاو بەرەی پشتی تورکیاوهاوپەیمانەکانی تورکیا لەناوعیراق وهەرێم، دەسەڵاتدارانی عەرەبی شیعە لەعیراق و سوریاو لوبنان ویەمەن ، توانیویانە بەرگری وداکۆکی لەدەستکەوتەکانیان بکەن وێڕای زیانە گیانی ومادیەکان کە ڕۆژانە تێیان ئەسرەوێنن،لەلایەن ئەمریکاوئیسرائیلەوە ڕاستەوخۆ ( جا ئەگەر جەوهەری بابەتەکە سیناریۆ و ڕێکەوتنی ژێربەژێری خۆشیان بێت ) .
دووەم ، بەهۆی ئاستی بەرزی هەستی نەتەوایەتی کوردانی کەرکوک و ئازایەتی ودڵسۆزیان بۆ کوردستانیبوونی شارەکەودەنگدانیان ، ئەوان خاوەنی ڕاستەقینەی دەستکەوتەکەن ، یەکێتیەکان خۆشیان زۆرباش ئەزانن و دانی پێدا ئەنێن کە لە ڕابردوودا خۆیان و پارتی ناحەقی و زوڵم و ستەمیان دەرحەق بە خەڵکی بەشمەینەتی کەرکوک کردوە بەکوردو پێکهاتەکانی دیکەشەوە، چیتر نابێت یەکێتی کورد و کەرکوک بکاتە قوربانی چەند بەناو بەرپرسێک ، بەڵکو بەهەر ڕێگایەک بێ ئاشتیان بکاتەوە،باشترین مۆدێلیش بۆ ئیدارەی شارەکە ئەزموونی ڕۆژاوای کوردستانە .
– هەڵبەت بۆ هەرکارێک کاردانەوەش هەیە، لێدوانەئاگرینەکانی پارێزگارە شۆڤێنیەعەرەبەکەی پێشووی کەرکوک وبەرپرسانی بەرەی تورکمانی و پارتی ، تەعبیر لە سیاسەت و ویست و ئیرادەی تورکیا ئەکەن ، کردەوە تیرۆریستیەکەی شەهیدکردنی سێ ئاسایشەکەی یەکێتی لە قەراغ ، ئەکرێت وەک زەنگی یەکەم کاردانەوەی تورکیا لێک بدرێتەوە ، داعش و جووڵەنوێیەکانی لەناوجەرگەی دەسەڵاتی یەکێتی بابەتێکی هەستیارەو خوێندنەوەی زۆر هەڵ ئەگرێت.
– داخستنی سێ حزبی مۆڵەتپێدراو لەم کاتەدا بۆ ؟
عێراقیەکان بۆ ڕازیکردنی تورکیا و بۆ بەرژەوەندی خۆیان ، کەلەئێستادا ناتوانن ڕاستەوخۆ بچنە نێوشەڕی تورکیاو هاوپەیمانەکانیەوە، سازشی تاکتیکیان کرد بێ گەڕانەوە بۆ پەرلەمان ، لیژنەی باڵای دادوەریان وەک ئامڕازێک بەکارهێنا ، پاشەکشەیەک لە دیموکراتیزەبوونی عیراقدا هەیە، لەگەڵ ڕوحی دەستووری عیراقداناگونجێت . پێ ئەچێت سات وسەودایەکی ژێربەژێری سیاسی بێت ، لەنێوان خۆیان و تورکیا ،یان پێداگری و گۆڕانێکی ڕیشەیی بێت لە سیاسەتی دەسەڵاتدارانی عێراق ، ئەمریکاش لەهەموو ئەو گەمە سیاسیانە بێ ئاگاو بێ ڕۆڵ نیە .
لەداهاتوویەکی نزیکدا دەرهاویشتەکانی ئەو گۆڕانکاریە خێرایانە دەرئەکەون.
ئەم وتارە ڕاوبۆچوونی نووسەر خۆیەتی
