کرمانج گوندیی
نەبوونی دیسیپلین و پەروەردەی نیشتیمانیی لەلایەن دەسەڵاتدارانی بەغدایێ و هەولێر/سلێمانی، و ناتەباییەکانی نێوان ئەو هەموو حیزبگەلە خێڵەکیی و تایفییەی حوکمی ئێڕاقێ بە کوردستانێش دەکەن، وەهایان کردیە کە ئێراق بە گشتیی و کوردستان بە تایبەتیی بکەوێتە ژێر کارێگەرێتیی هەژموونی سیاسەتگەلی شۆڤێنیزم و داگیرکاریی ئێڕانێ و تورکیایێ.
کارێگەرێتیی ئەو دوو وڵاتە بەسەر ئێڕاقێ و کوردستانێ جۆرێکە کە ناڕاستەوخۆ ئەوان سیاسەتەکانی سەرەکیی لە ئێڕاقێ و کوردستانێ پیادە دەکەن.
هەر لەپاش ڕاپەڕین، و لێ دانی چەخماخەی شەڕی خیانەتکارانەی کوردکوژیی و درووست بوونی دوو پێڕگەیی، ئەو دوو وڵاتە داگیرکەرە هاوڵاتییانی کوردستانێیان لە بەشەکانی بندەستی خۆیان لەو بەشەی کوردستانێ تێرۆر کردیە، یان بە زیندیتیی ڕفێندراون و براونەتەوە بۆ ئەو وڵاتانە.
داخستنی سێ ڕێکخراوی سیاسیی کوردستانیی، لەسەرووی هەموان، تـەڤـگـەری ئـازادیـی کوردستانێ، ئەو ڕاستییەمان وەبیر دێنێتەوە کە ئەگەر ئێکەك لەو وڵاتانە فەرمان بداتە دەسەڵاتی کوردیی بۆ ئەوەی کەسان و لایەنانی ئۆپۆزیسیۆنی وڵاتەکەیان قەدەغە بکەن، ئەو کارە بێ درەنگ ئەدا دەکرێ. وەك چلۆن ماوەك لەوەپێش، بە فەرمانی ئێرانێ، حیزبەکانی کوردیی لە ئۆردی کۆکرانەوە.
داخستنی سێ حیزبی سیڤیلی کوردیی کە تەنێ خەباتی سیاسیی دەکەن بە دەستووری تورکیایێ، ڕۆشنایی دەخاتە سەر ئەو ڕاستییەی کە تورکیا لە ئێڕاقێ و لە کوردستانێ بۆ پاراستنی بەرژەوەندییەکانی خۆی، وەکی ناوخۆی تورکیایێ لە ئێڕاقێ ڕەفتار دەکا. ئەوەی لەگەر ئەو سێ حیزبگەلە کرا، بۆ تورکیایێ، زەوینەسازیی کردنە بۆ ئەو ڕۆژەی پێکەوە لەگەر دەسەڵاتی شۆڤێنیزمی ئێڕاقێ هەولێ نەهێشتنی قەوارۆکەکەی دەسەڵاتی کوردستانێ بدەن.
دەسەڵاتی بنەماڵەییش، لە ڕێگەی بە نێو وەزیری دەرێی ئێڕاقێ ئاسانکاریی و هاوکاریی تورکیایێی کردیە کە تەڤگەر و دوو حیزبی دیکە قەدەغە بکەن. دواتریش هێرشگەلێکی ناشیاو بکەنە سەر خانم تارا حوسێن ـــ تارایێك کە نموونەی ئەخلاق، بوێریی، دڵسۆزیی، و نیشتیمانپەروەرێتییە. تارای کەڕامەتمەند بە توانا و کاتی خۆی، گیانی خۆی هاوێشتیتە ناو لەپی دەستی و لە بەرامبەر داگیرکاریی تورکیایێ و خیانەتی بنەماڵەی بارزانیی بۆتە شەقڵی پاراستنی سیمای نەتەوە و نیشتیمانێ، خۆی لە خۆی، خیانەتەکی دیکەیە کە بە جۆرە ناسزا بە تارا و ئەمسالی تارا بگۆترێ یان بکرێ.
وێدەچێ دەسەڵاتی بنەماڵەی بارزانیی تا ترووسکایێیك لە ئاسۆی کوردستانێ دیار بێ، دەست لە هاوکاریی داگیرکەران هەلنەگرێ بۆ ئەوە جارەکی دیکە بە بیر میللەت بێننەوە کە ئەو جۆرە خیانەت کردنە تەنێ لە فەرهەنگی بنەماڵەی بارزانیی جێگەی ببێتەوە.
ئەم وتارە ڕاوبۆچوونی نووسەر خۆیەتی
