زەردەشت جەلال
بەداخەوە لەساڵی پارەوە ئەوەدوەمین جارە کارەساتی دڵ تەزێن لەوسنورە ڕودەدات ئیتر ئەمە گەیشتۆتە ڕادەیەک پێویستە لایەنی پەیوەندیدار دەستێوەردان بکەن لەم بابەتە ..ساڵی پار دوای کوشتنی کۆڵبەرێک لەلایەن پاسەوانانی سنورەکە هەرچۆنێک بوو بەئاشتەوایی وڕێکەوتنی کۆمەڵایەتی ڵەلایەن کۆمەڵێک کەسایەتی ناوچەکەوە کۆتایی پێهات . ( هەرچەندە تائێستا کەس وکاری کاکی پاسەوانی بکوژ لەژێرباری قەرزی پارەی سوڵحەکەدا دەرنەچوون ) ئەمە بۆچی ؟؟
لەبەرئەوەی هەرگەمژەیەک دەستی دەیان کەس ماچ دەکات( ڕێزم بۆخەڵکەباش وڕۆشنبیرەکەی ) تالە پاسەوانی سنور دایمەزرێنن .بەڵام بێ هیچ پەروەردەیەک بێ هیچ ئایدیایەکی نیشتمانی بێ ئەوەی لەلایەن پاسەوانی سنورەوە خولی پەروەردەی بۆبکرێتەوە تا تێبگەیەنرێت کەهیچ ڕەوا وهەق نیە لەودیوسنورەدەستکردەکان کەدوژمنانی ئەم نەتەوەیە کێشاویانە.. دوژمنانی ئەم گەلە ڕۆڵەی کورد بکوژن لەم دیوی سنوریش لەلایەن براکانی خۆیەوە خەڵتانی خوێن بکرێن ..ئەمانە کۆڵبەرن کاسپن بۆقوتی ماڵ ومنداڵیان بەدەیان کیلۆمەتر دەبڕن بەناوکێڵکەی ئەڵغام وسوپای پاسداران .لێرەش بەئاسانی وبێ غەم لەلایەن نەزان وگەمژەیەکی نابەرپرسیارەوە بکوژرێت ….
( ئارام ) ئەوگەنجە کۆڵبەرە خێرلەخۆنەدیوەی کەشەوی ١٩-٨ دوای پێکرانی لەلایەن پاسەوانێکی سنور وبەبرینداری دەیگەیەننە نەخۆشخانەی خورماڵ بەڵام بەهۆی سەختی برینەکەی گیان لەدەست دەدات… ئەم گەنجە لەوانەیە هەزارو یەک خەیاڵ وئاواتی هەبوبێت بۆژیان .. ویستبێتی بەو داهاتە کەمە بناغەیەک بۆپاشەڕۆژی خۆی دابنێت بەڵام ئەفسوس ئەوەی بیری لێ نەدەکردەوە ئەوەبو کەڕوی دا ..
ئەم وتارە ڕاوبۆچوونی نووسەر خۆیەتی
