ئا:ئازا پرێس
بەشی سێیەم
٨. عەیشان محەمەد عەلی
ناوی قوربانی: عەیشان مەحمەد عەلی
ساڵی قوربانی:١٩٩٢
شوێن: خۆپیشاندان هەولێر
بکەر: چەکداران پارتی
مێژووی تاوان:٢٦-٨-١٩٩٢
لە ڕێکەوتی ٢٦ی مانگی ٨ی ساڵی ١٩٩٢، لە هەولێر بە بەشداریی سەدان کەس خۆپیشاندان لە دژی بۆمبارانکردن و کۆمەڵکوژیی سەر شاری شرناخ لە باکووری کوردستان ئەنجام دەدرێت. لەلایەن چەکدارەکانی پەدەکەوە تەقە لە خۆپیشاندانەکان دەکرێت و بەرپرسی رێکخستنی ژنان لە باشووری کوردستان بەناوی عەیشان محەممەد عەلی ناسراو بە “نەژبیر کۆچەر” و منداڵێکی حەوت ساڵان بەناوی کوردستان شەهید بوون. لەگەڵ رەئووف کامل ئاکرەیی بەگشتی ١٣٤ کەسیش زیندانی دەکرێن.
٩. نەسرین حەسۆ زێباری
ناوی قوربانی: نەسرین حەسۆ زێباری
تەمەن: ١٦ ساڵ
شێوەی قوربانی: دەستدرێژ کردنەسەر دووگیان بوونی
دەستدرێژکار: بەرژەنگ بابەکر زێباری
نەسرین و دلێری برای هەردووکیان دەکوژرێن
بەروار: دیارنییە
وێنە: نییە
نەسرین لە تەمەنی ١٦ ساڵیدا، لەلایەن بەرژەنگی کوڕی بابەکر زێباری، دەستدرێژیی دەکرێتەسەری و دووگیان دەبێت. لە دوای ئەوەی هەردوو لا دەزانن لەلایەن بەرژەنگەوە ئەنجامدراوە لە دوای بڕیاری هەموویان، ئەو خوشک و برایە، گولـلەباران دەکەن و سیناریۆی ئەوە دادەڕێژن گوایە دلێری برای دەستدرێژیی کردووەتەسەر خوشکی خۆی.
حەسۆ زێباری خزمەتکاری بابەکر زێبارییە، لە گوندی ئیسومەرێ کە گوندێکی بارزانییە. لەو گوندەدا کەسێک دەمرێت بەناوی میرخان و دوو ژنی هەیە. حەسۆ زێباریش داوا لە بابەکر زێباری دەکات کە داخوازیی یەکێک لەو ژنانەی بۆ بکات، ئەوەیان کە لە تەمەنێکی گەنجدایە. بابەکریش داخوازیی بۆ دەکات و هەر لە ماڵەکەی بابەکر زێباریدا “گوندی شانیک گوندێکی ناوچەی زێبارییە و شوێنی کۆشکەکەی بابەکر زێبارییە”، خزمەتکاریی دەکەن. ئەو ژنە خاوەنی دوو منداڵە “کوڕ “دلێر” و کچ “نەسرین” – ١٢ ساڵ و ١٤ ساڵ”. لە دوای چەند ساڵێک، کاتێک کچەکە تەمەنی دەبێت بە ١٦ ساڵ، بەرژەنگی کوڕی بابەکر زێباری، دەستدرێژیی دەکاتەسەر ئەو کچە و دووگیان دەبێت. لە دوای ئەوەی هەردوو لا دەزانن لەلایەن بەرژەنگەوە ئەنجامدراوە لە دوای بڕیاری هەموویان، ئەو خوشک و برا گەنجە، گولەباران دەکەن و سیناریۆی ئەوە دادەڕێژن گوایە دلێری برای دەستدرێژیی کردووەتە سەر خوشکی خۆی.
١٠. نازک و سۆلین
ناوی قوربانیان:نازک و سۆلین
تاوان: دەتدرێژی کردنە سەر
بەروار: ١٩٩٤
بەرواری دووەم: ١٩٩٥
دەستدرێژیکار: قادر قاچاخ، عادل بۆتانی، کامەران سیندۆری.
لە ڕێکەوتی ٢ی ١٢ی ١٩٩٤ کچێک بەناوی نازک ئاکرەیی تەمەن ١٧ ساڵ، لە لایەن قادر قەچاخ و عادل بۆتانی و کامەران سیندۆری دەستدرێژیی دەکرێتەسەری و دەکوژرێت. لە دوای ئەویش، خوشکەکەشی بەناوی سۆلین، لە ساڵی ١٩٩٥ بێسەروشوێن دەبێت و لە دوای ٤٥ ڕۆژ تەرمەکەی بە بێ جلوبەرگ دەدۆزرێتەوە.
بەپێی وتەی بنەماڵەی نازک و سۆلین:
ئەو بنەماڵەیە نەیانویستووە پەیوەندیان لەگەڵ پارتی هەبێ و کاریان بۆ بکەن. لقی پارتی لە ئاکرێ چەندین جار هەوڵدەدەن، برا و باوکی ئەو دوو کچە بهێننە ناو حیزب و ببنە ئەندامی پارتی، بەڵام ئەم خێزانە بە هیچ شێوازێک ڕازی نابن بچنە ناو پارتی. بۆیە ئەندام دەنێرن بۆ ئەوەی کچەکانی ئەو بنەماڵەیە بە پیلانێکی داڕێژراو پەلکێشی ناو ریزەکانی خۆیان بکەن، بۆ ئەوەی لەو ڕێگەیەوە ئەو بنەماڵەیە بشکێنن و بچەمێنن. بۆ ئەمەش بیر لە تاوانێکی بەوشێوەیە دەکەنەوە. لە ئەنجامی ئەم تاوانە باوکی نازک و سۆلین جەڵتە لێی دەدات و تووشی ئیفلیجبوون دەبێت. دایکیشیان عەقڵ و هۆشی لەدەست دەدات و برایەکیان تووشی نەخۆشی دەروونی دەبێت و ئەو بنەماڵەیە بەو ڕەنگە لەبەریەک هەڵدەوەشێتەوە.
١١. زەینەب ئەردەم
ناوی قوربانی: زەینەب ئەردەم
نازناو: ژیان بەرپرسیاری کامپ
شوێن: ئەترووش – دهۆک
بەروار:١٣-٩-١٩٩٥
تاوان: کوشتن
تاوانبار: چەکدارانی پارتی
لە ١٣\٩\١٩٩٥ زه‌ینه‌ب ئه‌رده‌م به‌رپرسیاری په‌نابه‌رانی كه‌مپی شەهید رۆسته‌م جودی كه ئه‌وكات له کەمپی ئه‌تروش لە دهۆک بوون، به گولە‌ی ڕاسته‌وخۆی چەکدارانی پارتی دەکوژرێت.
ڕاستیی ئەم تاوانەی پارتی لە زاری چەند هاوڵاتییەکی دانیشتووی کەمپەکەوەیە، کە بەبەرچاوی ئەوان ئەم تاوانە ئەنجامدراوە.
