ئا:ئازاپرێس
بزووتنەوەی نوجەبا کە گروپێکی نێو بەرەی موقاوەمەی عێراقیە ئاشکرایکرد، گروپەکانی بەرەی موقاوەمە لە عێراق کۆتاییان بەو ئاگربەستە هێناوە و ئێستا هەموو بژاردەکان لە بەردەستن بۆ ئەوەی هێرشی سەر بنکە سەربازییەکانی ئەمریکا لە ناوخۆی عێراق دەستپێبکەنەوە.
حەیدەر ئەللامی، ئەندامی ئەنجومەنی سیاسی بزووتنەوە نوجەبا بە رۆژنامەی زە ناشیۆناڵی ئەمریکی راگەیاندووە، “گروپەکانی بەرەی موقاوەمە لەعێراق کۆتاییان بەو ئاگربەستە هێناوەو ئێستا هەموو بژاردەکان لەبەردەستن بۆ ئەوەی هێرشی سەر بنکە سەربازییەکانی ئەمریکا لەناوخۆی عێراق دەستپێبکەنەوە، بەهۆی ئەوەی لەدانوستانەکاندا لایەنی ئەمریکی خەریکی کات کوشتنە بۆ ئەوەی هێزەکانی نەکشێنێتەوە”.
ئەو سەرکردەیەی بزووتنەوەی نوجەبا دەڵێت، “هەنگاوەکانی وەڵامدانەوەی هێرشەکەی سەر بابل هێشتا لە لێکۆڵینەوەداین و لەچەند رۆژی داهاتوودا وەڵام و کاردانەوەیەک دەبێت کە ڕەنگە زیاتر لە شوێنێک بگرێتەوەو مەرج نییە وەڵامدانەوەکان تەنها لە عێراق، ئه‌گه‌رى هه‌یه سوریاو ئیسرائیلیش بگرێته‌وه”.
دوای ئەوەی ئەمریکا و حکومەتی عێراق بڕیاریاندا کە هێزەکانی ئەمریکا لە عێراق دەمێنێتەوە، بۆیە هێزەکانی بەناوی مەقاوەمەی عێراقی، دەیانەوێ دەست بەهێرشەکانیان بکەنەوە، هەڕەشەی ئەوەش دەکەن چوارچێوەی هێرشەکانیان فرەوانتر دەبێت، تاکو هێزەکانی ئەمریکا لە عێراق دەردەخەن!!!
