نیاز برایم
هاوڕێ ‘مەکی ئامێدی” دوێنێ لە گرتەیەکی ڤیدیۆیی هەواڵێکی گرنگی بڵاوکردەوە و تێێدا هاتووە: حکومەتی عێراقی رازی بووە چەتەکانی رۆژ جێگای سوپای بەزیوی تورکیا بگرێتەوە. سوپای تورکیا بێهێز و بێتوانابووە ناتوانێت ئەم پایزەو زستانە سەختەی دەڤەری بادینان بمێنێتەوە، بۆیە بڕیاریداوە شوێنەکان بسپێرێت بە چەتەکانی رۆژ، ئەوان بە ئاڵای عێرا ق و هەرێمی کوردستان لە شوێنەکان ببن و شەڕی گەریلای ئازادی بکەن.
ئەم هەواڵە گرنگە، بەڵما گرنگتر ئەوەیە، لەتەک چەتەکانی رۆژ چەتەکانی داعش و نوسرە و گروپەکانی دیکەی سوریا دەهێننە ئەو شوێنانە. چەتەکانی رۆژ لەژێر ئاڵای عێراق و هەرێم دەتوانن ئەو چەتە تیرۆریستانەی داعش و نوسرە و تورکستانی بشارنەوە. بە کورتی دەیانەوێت تۆرابۆرەیەکی دیکە لە دەڤەری بادینان دورست بکەن و ببێتە ناوەندی تیرۆر بۆ سەر باشور و تەواوی عێراق.
حکومەتی بێئاگای عێراق لە ریگای کۆیلەی سەرچەتەکانی پارتی، ئەو ئیتفاقەی مۆرکردووە، کە ئیتفاقێکی مەترسیدارە بۆ سەر باشوری کوردستان و عێراق.
لەهەندێ ناوەندی ستراتیژیی عێراقی ئەم بابەتە گفتوگۆی لەسەر دەکرێت، بۆیە ئەگەر حکومەتی عێراق هەرچی زووە ئەو پرسە یەکلانەکاتەوە، ٢٠١٤یەکی دیکەی لە پێشدا دەبێت.
رۆڵی ئێران؟
ئێران دەیەوێت ئەو گروپە تیرۆریستانە، نوسرە، داعش و گروپەکانی دیکە لە سوریا نەمێنن، تا رۆلی تورکیا لاواز بێت لە سوریا، لێ پێموانییە ئەو راستیە پشتگوێ بخات و کارەساتێکی گەورە بهێنێتە سەر سنورەکانی خۆی. ئایا ئەو ئیتفاقەی حکومەتی عێراق لەگەڵ تورکیا، بۆ کاتکوشتنە یا ئێران بۆ لەمەودوا ستراتیژێکی دیکەی دەبێت؟
لە هەموو ئەگەرەکان، گەریلای ئازادی دەتوانێت مامەڵە لەگەڵ پرسێکی ئاوا بکات و دەتوانێت چۆن پووچەلی بکاتەوە..
رۆژان و مانگەکانی دادێ زیاتر مەشهدەکە روون دەبێتەوە.
