ئا:ئازا پرێس
بەبۆنەی رووداوەکانی ٣١ئابی ١٩٩٦ کە زۆربەی خەڵکی کوردستان بەخیانەت و پارتیش بە دەسکەوت بۆ خۆی بەناو دەکات، یەکێتی بەناوی مەکتەبی سیاسی پەیامێکی ئەمڕۆ ٣٠ ئاب بڵاوکردۆتەوە.
مەکتەبی سیاسی یەکێتی لەپەیامەکەیان تیشکیان خستۆتە سەر زۆر خاڵ کە جێگەی راوەستە لەسەر کردنن؛ پەیامەکە وەها دەستپێدەکات؛
دەرەنجامی ئەو خیانەتە برینێكی قووڵی لە جەستەی میللەتی جینۆساید دیدە و قوربانیدەری كورد دروستكرد، كە دوای بیستوهەشت ساڵیش هێشتا سارێژ نەبووە.
مەکتەبی سیاسی یەکێتی ئاماژە بەزیانەکانی ٣١ ئاب دەکات و دەڵێت:
دەرەنجامی ئەو خیانەتە هەر زیان گەیاندن بە یەكێتیی نیشتمانی كوردستان و هێزی پێشمەرگە و شەهید و بریندار و ئاوارەكەوتنی سەدان تێكۆشەری یەكێتیییەكەمان و خەباتگێڕانی كوردستان نەبوو، هەر كوشتن و راوەدوونانی هێزەكانی ئۆپۆزسیۆنی عێراقی دژی رژێمە دیكتاتۆرییەكەی سەددام نەبوو، بەڵكو برینێكی قووڵی لە جەستەی میللەتی جینۆساید دیدە و قوربانیدەری كورد دروستكرد.
پەیامەکەی یەکێتی زیاتر لەسەر تاوانەکە رادەوەستێ و دەڵێت، پارتی بەردەوامن لەسەر ئەو جۆرە کردەوانە:
بە داخیشەوە سیاسەتە چەوتە دووبارەبۆوەكانی لێرە و لەوێی پارتی، هەمیشە قەتماغەی برینی هاوینی خیانەت هەڵدەداتەوە و زامی پایتەختی داگیركراوی رۆژە شوومەكەی ٣١ی ئابیش هەروا دەكولێنێتەوە.
یەکێتی لەگەڵ پەیامی کۆتای بۆ لاوان، هەمانکات رەخنەی ئەوەش دەکات کە بۆچی پارتی وانە لەو کردەوانەی وەرناگرێ، پێچەوانە ناوناتۆرە ئەبخشێتەوە و دەڵێت:
لە هەر دەرفەتێكی بچوكی ناكۆكی خۆماڵیدا خوێ بە برینی نەتەوە و نیشتماندا دەكا، پشتبەستوو بە بەڵانسی ناڕەوای هێز و هەژموونی بە دەستهاتوو، لە كەینوبەینەكانی دوای 31ی ئاب، گەرەكێتی مێزی خیانەت و ناپاكی بەسەر خەڵكی تردا قڵپ بكاتەوە. هەر بۆیە گوتاری تەنگەتاوی سیاسیی و دیاردەی دزێوی تۆمەت بەخشینەوەی گوایە خیانەت و تانە و تەشەری نەتەوەیی و نیشتمانیی، دەستكاری مێژوو و زەوتكردنی سەروەرییەكانی خەباتی هەمەلایەنەی بزووتنەوەی رزگاریخوازی گەلی كوردستان ، بۆتە گوتاری زاڵ و بنێشتەخۆشەی سەر زمانی ناوەندی دەسترۆیشتووی ئەو حزبە.
یەکێتی بەم دێرە کۆتایی بە پەیامەکەی هێناوە:
بۆ پێشەوە بەرەو ڕاستكردنەوەی رێڕەوی حوكمڕانی و گێڕانەوەی باڵانسی هێز لە كوردستان.
پارتی لە دوو رۆژی رابردوو ئەنجامی کۆبوونەوەی کۆمیتەی ناوەندی راگەیاند؛ بەڵام سەرەڕای ئەو بەیننامە توندانەی بەرانبەر یەکێتی و واژۆ کردنی یاداشتنامەی داگیرکەری لەگەڵ تورکیا و دۆڕانی و بوونە ئۆپۆزسیۆنی لە ئەنجومەنی پارێزگای نەینەواو کەرکوک، بە دێرێکیش باسی نەکرد. دیسان لە نزیکبوونەوەیان لە رۆژی ٣١ ئاب کە بۆخۆیان وەک سەرکەوتنی دادەنێن، دیسان باسیان نکردبوو. بۆیەس بەیننامەکەی کپمیتەی ناوەندی پارتی سەرنجی راگەیاندنەکانی رانەگەیاند و نەبوو بە مانشێتی هەواڵەکان.
هێشتا دیار نییە دامودەزگا باڵاکانی پارتی بۆ وەڵامدانەوەی پەیامەکەی یەکێتی و پیرۆزبایەکانی ٣١ ئاب بەیننامەو پەیامی فەرمیان دەبێ یان نا؟؟
