ئا:ئازاپرێس
لە چاوپێکەوتنێکی تایبەتدا لەگەل ئازاپرێس مافناس و چالاکوان ئارام حاجی وەڵامی پرسیارەکانی ئازاپرێسی سەبارەت بە ٣١ی ئابی دایەوە.
ئازاپرێس: هێزە نێودەوڵەتیەکان (ئەمریکا و بەریتانیا) و دەوڵەتە هەرێمیەکان (ئیسرائیل و تورکیا و ئێران) چەندە ئاگاداری هێرشەکەی ٣١ی ئاب بوون؟؟
٣١ی ئابی ١٩٩٦ یەکێک لە دەرەنجامەکانی ئەوشەڕەی ناوخۆییەبوو، کە لە ١٩٩٤وە دهەڵگیرسا. کاریگەریی ململانێ هەرێمایەتیی و جیهانییەکان وەک داکەوتەی جەنگی عێراق – ئێرانیی و داگیرکاریی بەعس بۆ کوەیت بەسەرتان و پۆی گۆڕەپانی سیاسیی و ستراتیژیی ناوخۆیی عێراقیی و هەرێمایەتیدا باڵی کێشابوو. ڕاپەڕینی بەهاری ١٩٩١ لە باکوری عێراق هێزە سیاسیی و شۆڕشگێڕییە کوردستانییەکانی کردبووە دیفاکتۆیەک کە وابەستەی بەشێکی شانۆی سیاسیی ناوخۆیی و هەرێمایەتیی ئەو دۆخەبن.
مۆدێلی سیاسیی نەریتی کە بەرهەمهێنی ئەو جۆرە لە حزب و هێزو ڕەوتی سیاسیی بوو بێبەش نەبوو لە هەژمون و کاریگەریی ئەو دۆخە بەسەرییەوە بۆیە ئەوەش کە لەدوای هەڵگیرسانەوەی شۆڕشی نوێییەوە هاتبووە ئارا زەحمەت بوو بتوانێت لەدەرەوەی ئەو دۆخە خۆی ببینێتەوە.
بۆیە ناکرێت لەدەروەی ئاگاداری هەرێمایەتیی و جیهانیی باس لە هێرشی ٣١ی ئاب بکرێت.
ئازاپرێس: هۆکاری ناکۆکی مێژووی و شەڕە ناوخۆیەکانی پارتی و یەکێتی چییە، ئایا ئێستاش پارتی شەڕی یەکێتی دەکات؟؟
هۆکاری ناکۆکیی و شەڕی نێوان یەکێتی و پارتی هەمەجۆرە ناکرێت لە هۆکارێکی دیریکراودا کۆکرێتەوەو ببینرێت لەوانە نەریتی ئەخلاقی سیاسیی و جیاوازی بیرو هزری ئایدیۆلۆژیی و تەریک کەوتنی ئەم هێز بەو هیزگەلی دیکەو بیرکردنەوەو هەوڵدان بۆ سەپاندنی هەژموون ئەم بەسەر ئەوو ئەوانی دیکەدا لەو هۆکارانەن کە داینەموۆی بزواندنی ناکۆکیی و شەڕەکانەو بەردەوامیی هەیەو ئەوە جەوهەری خاوەندارێتیی و ڕێبەراتی ڕەوایە کە بەرەکان لەیەکتر جیادەکاتەوەو پۆلێندەکات و دابەشیدەکات بەسەر بەرەی نیشتمانیی و ئەجندای هەرێمایەتیی و پاشکەوتەییداو لەئێستادا ئەمە بۆ پارتی و بینینەوەی دابەشبوونی بەسەر ئەجندای هەرێمایەتیدا بەڕوونی دیارە.
ئازاپرێس: پارتی کەی ویستبێتی دەستی تێکەڵ کردووە لەگەڵ داگیرکەران، بەڵام وەک سیاسەت بە خەڵکی کوردستانی دەفرۆشێتەوە، بەڕاستی سیاسەت دەکات؟؟
پارتی هیچکات سیاسەتی نەکردووەو ناشیکات. ئەوەی دەیکات تەوزیفکردنی پرسی نەتەوایەتیی و نیشتمانی کوردستانییە بۆ خزمەتکردنی خۆی کە بەپێی قۆناغەجیاوازەکان هەرجارەو وابەستەی ئەجنداو سیاسەت و ستراتیژی هەرێمایەتی ئەم دەوڵەتی هەرێمایەتی یا ئەوی دیکەیانەو ئەوە ستاتیژی زاڵی هەرێمایەتییە کە بڕیاردەدات پارتی دەکەوێتە کوێی ئەو ئەجندا هەرێمایەتییەوە کە هەرجارەو دەوڵەتێکی هەرێمایەتی حوکمی کردووەو هەرئەمەش بووە کەوابکات پارتی بەسر پێرێ لەگەڵ سوریاو پێرێ لەگەڵ ئێران و دوێنێ لەگەڵ بەعس و ئەمڕۆ لەگەڵ تورکیادابێت.
ئازاپرێس: ئەو لەشکرکێشی و پێکەوە کارکردنەی تورکیا و پارتی لە رۆژی ئەمڕۆ، ئایا ئەمەش وەک ٣١ی ئاب خیانەتە، یان سیاسەتی حەکیمانەی بارزانییە؟؟
ئاودەنگی لەشکرکێشیی و داگیرکاریی و کارکردن لەگەڵی دژی ڕەوایەتی پرسی نەتەوەیی و نیشتمانیی و خەبات و تێکۆشانی گەلەکەمان لەگەڵ هیچ دەوڵەت و داگیرکارییەکدا ڕەوایەتیی نییەو پاساو هەناگرێت و خیانەت هەرکەس و لایەنێک بیکات هەر خیانەتە من بم یا تۆ یا هەرکەسێکی دیکەو تەوزیفکردنیشی بەناوی سیاسەتی حەکیمانەو لەوجۆرەقسانە تەنها ئامانج لێی پاساوو پەردەپۆشییە و هیچ عەقڵانییەتێک لەوەدانییە تۆ هێزێکی کوردستانی دژبەری خۆت لەخانەی خراپتردا وەسف بکەیت و پاساو بۆ وەلاوەنانی بە داگیرکەرێکی خراپتری ناسێندراو بە باشتر بێنێتیەوە! ئەمە نەک سیاسەتی حەکیمانە نییە بەڵکو گشتاندنی مەشروعییەتی خیانەت و تەخوینە بۆ خۆت و بەسەر ئەوانی دیکەدا!
ئازاپرێس: پارتیەکان دەڵێن ٣١ ئاب هەولێرمان رزگار کرد، یەکێتیش دەڵێن، هەولێر داگیرکراوەو دەبێ بگڕێتەوە بۆ هەولێریە رەسەنەکان، بەڕای تۆ یەکێتی دەتوانێ لەم هەڵبژاردنە هەولێر بخەنەوە دەست خۆیان؟
لە٣١ی ئابدا هەولێر بەزەبری هێزی داگیرکەر ڕادەستی پارتی کرایەوە ئەو بوونەی لەوڕووداوەدا خۆی دەسەلمێنێت بوونی هیزێکی کوردستانیی نەبوو، بەڵکو بوونێکی بەهێزی دوژمن و داگیرکەرو ڕادەستکەری هەولێربوو بەهێزێکی کوردی ئەمەش یەکلاکردنەوەی ئەو دەنگۆیەیە کە هەولێر نەک ڕزگارنەکراوە بەڵکو داگیرکەرییانە ڕادەستکراوەو داگیرکەریش هەرگیز ئەوەندە سادە ڕەفتارنییە بێ بەرامبەر ئەوەت بۆ بکات و ئەوە پارتییە دەبێت وەڵامی ئەوەبداتەوە کە چی بۆ بەعس کردووە لەبەرامبەر ئەو ڕادەستکردنەدا.
