ئازا پرێس
ئەمڕۆ راگەیاندنەکان بڵاویانکردەوە کەوا ژن و پیاوێک لە فایدەی دهۆک لەماڵەکەیان کوژراون، ئاشکرابوو ئەم کوڕەکە ناوی جوان رێزانەو خەڵکی عفرینە، هەرچی ژنەکەیەتی ناوی لەیلا محەمەدییە و خەڵکی چاڵدێرانی رۆژهەڵاتی کوردستان بووە.
لەبەر ناسنامەو پێشینەی هەردوو کەسە کوژراوەکە تائێستا لایەنە ئەمنیەکان و دژە تیرۆری پارتی هیچ لێدوانێکی نەداوەو پارێزوانانی ستیەکەشیان هیچی نەگووتوە. راگەیاندنەکەنی پارتی کەوتوونەتە پێش دەزگا ئەمنیەکان و دەڵێن، هەردوو کەسەکە پێشتر گە.ریلابوون لە ریزی پارتی کرێکارانی .کوردستان و نزیکەی دوو ساڵە وازیان هێناوەو ژیانی هاوسەریان پێکهێناوەو لە شارۆچکەی فایدەی سەر بە دهۆک نیشتجێبوون. دوو مانگ دەبێت مناڵێکیان بووە، بەرەبەیانی ئەمڕۆ بە دەمانچەی بێدەنگ لە شوقەکەیاندا کوژراون، ئەو مناڵە ساوایە تا دراوسێکانیان پێیان زانیووەو چەند کاتژمێرێک لەناو خوێنی دایک و باوکیدا گەوزاوەو گریاوە. ئاماژە سەرەتاییەکان ئەوە دەردەخەن کە کوژرانی ئەو دوو هاوسەرە سیاسییە. ئەم چیرۆکە راگەیاندنی پارتی هۆناندنەوەیان بۆ کردووە.
لایەنە ئەمنیەکانی پارتی لەپاراستنی هاوڵاتیانی پارچەکانیتر لە دهۆک سەرکەوتوو نەبوونە، بەر لە ساڵێکیش میت و پاراستن، هاوڵاتێکی باکوریان بەناوی حسێن تورئالی لەناو فاملی مۆڵ تیرۆر کرد، بەڵام تائێستاش پەڕاوی لێکۆڵینەوەیان بۆ نەکردۆتەوە. دیسان ئەوکات راگەیاندنەکانی پارتی سیناریۆیی جیاوازیان بۆ دروست کرد، بەڵام کاتێک زانرا میت – پاراستن تیرۆرەکەیان ئەنجامداوە، بێ دەنگیان لێکرد و قەپ و قڕ بوون.
